web counter
LEXO PA REKLAMA!

SHKARKO APP

App Store
Google Play

E fundit!

x

Rama-Nikolla bllokojnë zgjedhjet në universitete/ Skenar për komandimin e drejtuesve të rinj 

3 Mars 2016, 07:46, Aktualitet CNA

Një skenar për komandimin e drejtuesve të rinj në universitete është përgatitur nga Kryeministri Edi Rama dhe Ministrja e Arsimit, Lindita Nikolla. E përditshmja “Sot” raporton se shefi i qeverisë nuk lejon zgjedhjet në universitete, me synim për të nxjerrë jashtë loje drejtuesit aktualë dhe për të diktuar zëvendësuesit e tyre.  Në datën 8 Mars 2016 skadojnë të gjitha mandatet 4-vjeçare të organeve dhe funksionarëve drejtues të zgjedhur të universiteteve publike.

Mbas kësaj date, çdo institucion i arsimit të lartë do të mbetet pa drejtues të zgjedhur dhe vendet e tyre do të shpallen vakant. Për t?i paraprirë kësaj krize institucionale, trupat akademike universitare kanë apeluar disa herë pranë Ministrisë së Arsimit që ajo të respektojë afatet brenda të cilave të miratohet udhëzimi i ri, i cili do të ndiqet për realizimin e zgjedhjeve të reja në universitete.

Por, vonesat tej çdo afati për të organizuar zgjedhjet në universitete janë të mirë menduara nga ana e ministres Nikolla. Ajo shpreson që nëpërmjet metodave puniste, pas datës 8 Mars, do të komandojë në çdo funksion drejtues akademik njerëz të besuar të saj, të cilët pasi të marrin në dorë frenat e universiteteve do orvaten të manipulojnë me çdo formë stafet akademike, për t?u zgjedhur në krye të tyre.  Ndërkohë, “Sot” shton se rrethet akademike  po shikojnë mundësinë për të filluar protestat deri në bojkotim të plotë të mësimdhënies në auditorë.





Lajmet e fundit nga