web counter
LEXO PA REKLAMA!

SHKARKO APP

App Store
Google Play

Vrasja në Durrës/ Arrestohet autori i dytë i dyshuar

2 Mars 2016, 19:36, Aktualitet CNA

Policia e Durrësit ka bërë të mundur arrestimin e autorit të dytë të dyshuar për përplasjen me armë ditën e djeshme në Durrës , ku mbeti i vrarë një shtetas dhe u palgos një tjetër. Mësohet se është ndaluar shtetasi Gëzim Kajno, 31 vjeç, pronar i lokalit ku ndodhi ngjarja e rëndë. Ndërkohë, menjëherë pas ngjarjes u arrestua shtetasi  Bledar Kajno,  39 vjeç, banues në Xhafzotaj.

Ngjarja

Më datë 01.03.2016, rreth orës 19:00, në lagjen Nr.17, pranë Ndërmarrjes së Ujësjellësit, shtetasit Gëzim dhe Bledar Kajno nën efektin e alkoolit dhe për motive të dobëta janë konfliktuar me shtetasin Asllan Kërtusha në ambjentet e brendshme të lokalit.

Më pas, në konfikt e sipër, kanë dalë jashtë lokalit ku shtetasi Gëzim Kajno e ka goditur më qytën e pistoletës në kokë shtetasin Asllan Kërtusha dhe si pasojë e një shkrepje të armës së zjarrit është plagosur në krah shtetasi Bledar Kajno.

Po me të njëjtën pistoletë, shtetasi Gëzim Kajno ka qëlluar Këtushën, i cili nga plagët e marra ka ndërruar jetë në Spitalin Rajonal Durrës.

Në vendngjarje, në cilësinë e provës materiale u gjetën dhe u sekuestruan:

? dy gëzhoja model 54 kalibri 7.62 m/m dhe
? 3 copë fishekë kalibri 7.62 m/m.

Asllan Kërtusha, 30 vjeç, banues në Durrës, është person më preçedentë penalë të mëparshëm duke konsumuar disa vepra penale si: vjedhje, në fushën e lëndëve narkotike, kundërshtim i Punonjësit të Policisë, konflikte në lokalet e natës si edhe ka pasur lidhje shoqërore me persona me preçedentë penalë.

Materialet i kaluan Prokurorisë  së Rrethit Gjyqësor Durrës për veprime të mëtejshme për veprën penale ?Vrasja me dashje në bashkëpunim?dhe? Prodhimi dhe mbajtja pa leje e armëve luftarake dhe e municionit?, parashikuar në nenet 76,  25 dhe 278/4 të Kodit Penal.





Lajmet e fundit nga