Basha me keq se Rama/ 15 muaj pa mbledhur Këshillin Kombëtar, emërime antistatutore

2 Mars 2016, 19:17, Aktualitet CNA

Kreu demokrat Lulzim Basha duket se po kalon cdo pritshmëri për drejtimin e PD-së. Shkelje statut tashmë të faktuara dhe vërtetuara. Citynews bëri thjesht disa kërkime dhe rezulton se Basha është më keq se Rama në sjelljet ndaj statutit të partisë që është edhe Kushtetuta e cdo force politike.

Në shumë raste ai akuzohet nga demokratët se po kopjon Edi Ramën në drejtimin e opozitës. Këtë fakt ja ka përmenduar se fundi edhe deputeti Aldo Bumci i cili i ka kërkuar të mos sillet si Rama me grupin parlamentar. Ky është vetëm një rast.

statuti Të tjera akuza shkojnë ndaj Bashës, të cilat në fakt e bëjnë të kalojë me shpejtësi Ramën për drejtimin në mënyrë jo staturore të partisë. Rama drejtuesit e partisë i zgjodhi në forume, ndërsa Lulzim Basha ka emëruar së fundi disa drejtues departamentesh, pa bërë zgjedhje fare. Me statut duhet ti zgjedhe Këshilli Kombëtar. Nga ana tjetër ka emëruar një sekretar të ri, totalisht jashtë statutit dhe në shkelje të tij. Statuti votohet dhe ndryshohet në Kuvendin Kombëtar Neni 35 pika 2 e statutit, i fundit mbledhur gati 2 vite më parë, nuk njeh Sekretar për Aksionin Qytetar por Sekretarët Funksionalë që zgjidhen nga Këshilli Kombëtar. Edhe në rast se do e quanim funksional, sekretarin për aksionin qytetar, sërish duhet të zgjidhej nga Këshilli Kombëtar.

Pra me emërimet e Alibajt, Turkut, Alizotit, Salianjit dhe disa të tjerëve Basha ka shkelur me të dyja këmbët statutin, ndësa Rama dje i zgjidhte në forume. Kryetari i PD mund ta kopjojë Ramën por ka edhe stilin e tij unik në shkeljen e statutit që e ka kthyer në një copë letër të pavlerë.

Prej më shumë se 15 muajsh kryetari demokrat Lulzim Basha, nuk mbledh Këshillin Kombëtar. Thua se forumi i lartë politik nuk vlen megjithëse kauza e dekriminalizimit, reforma në drejtësi apo dhjetra lëvizje dhe aksione politike të opozitës nuk janë ngjarje që duhet t?I sqarohen të zgjedhurve në një forum të rëndësishëm si Këshilli Kombëtar. Me statut është forumi më I rëndësishem vendimarës pas kuvendit dhe midis dy kuvendeve në raste të vecanta mund të marë edhe vendime si Kuvendi deri në mbledhjen e këtij të fundit. Nuk vlejnë veprimet e opozitës për këta të zgjedhur me mandate 4 vjecar.

Asnjë mbledhje për të zgjedhur drejtuesit e departamenteve apo Sekretarin për Qytetarin, në cdo version që i pëlqen vetë Bashës.

Në statut thuhet mjaft qartë në nenin 37 pika 2c. Këshilli Kombëtar zgjedh/shkarkon ndërmjet anëtarëve të tij të dalë nga Kuvendi Kombëtar, me votim të fshehtë: i. Sekretarin e Përgjithshëm dhe Sekretarët funksionalë; ii. Nënkryetarët e Partisë; iii. Kryetarin e Bordit Financiar të Partisë; iv. Komisionin Qendror të Apelimit; v. Drejtuesit e Departamenteve.

Asnjë mbledhje për të zgjdhur vendet e lëna bosh apo për të prezantuar një strategji të opozitës. Asnjë mbledhje për të drejtuar dhe udhëzuar antarët dhe grupet e punës që dalin nga këshilli, të cilët janë antarë të kryesive në degët ku jetojnë.

Këshilli Kombëtar i PD është kthyer në një institucion të pavlerë për Lulzim Bashën ashtu si dhe statute. Të dyja nuk vlejnë për të. Këshilli nuk mblidhet prej 15 muajsh, kurse statuti shkelet me emerime drejtuesish departamentësh, apo sekretarësh. Kushtetuta e demokratëve nuk gjendet as në faqen zyrtarë të PD-së dhe shkelja e saj nga kryetari i saj LulzimBasha tashmë është modë. Elvi FUNDO-Citynews