The Huffington Post: Strehimi i muxhahedinë, rrezik për shqiptarët

3 Mars 2016, 07:38, Aktualitet CNA

Gazeta britanike ?The Huffington Post? ka dhënë dje alarmin se strehimi i muxhahedinëve do të jetë rrezik potencial për qytetarët e Shqipërisë. ?The Huffington Post? i ka kushtuar një artikull të zgjeruar marrëveshjes së qeverisë shqiptare dhe autoriteteve amerikane për strehimin e rreth 3 mijë muxhahedinëve, duke thënë se do të përbëjë rrezik për Shqipërinë. Rumania dhe Europa i refuzoi, ndërsa Tiranë i pranoi, sipas gazetës britanike. ?Përpjekjet e Shqipërisë për të reformuar dhe për të forcuar sigurinë, institucionet e saj politike, gjyqësore dhe civile pas viteve të diktaturës, do të dëmtohen në mënyrë drastike në qoftë se vendi injoron ose nënvlerëson kërcënimin e paraqitur nga ardhja e muxhahedinëve nga Iraku?. Kështu e ka nisur artikullin e tij Massoud Kohdabandeh në ?The Huffington Post?, këshilltar për strategjitë e Lindjes së Mesme. Sipas tij, vendi ynë pritet të marrë 3 mijë muxhahedinë gjatë 2016, pasi Presidenti i Rumanisë, Traian Bashesku, refuzoi t?i strehojë ata në vitin 2014.

Pranimi nisi në 2013

Në artikull, Massoud Kohdabandeh shkruan se muxhahedinët janë një potencial për krim në një vend të njohur për korrupsionin e përhapur dhe krimin e organizuar. ?Jo vetëm kaq, ata mund të ngrenë lehtësisht një kamp stërvitor për terroristët. Komandantët terroristë nga çdo grup mercenar mund t?i shmangen radarit dhe të përfundojnë në Shqipëri, ku do marrin trajnim dhe mbështetje logjistike?, shkruan këshilltari për strategjitë e Lindjes së Mesme, një mbështetës i politikës së ndjekur nga Irani. Ai thotë se ata janë terroristë. ?Grupi e ka pozicionuar veten përkrah Ushtrisë për Çlirimin e Sirisë dhe ka ofruar ndihmë ndaj sauditëve për të luftuar shiitët në Jemen. Ata kanë mbi 40 vite eksperiencë në aktivitete terroriste. Rreziku real është se ata jo vetëm do riarmatosen në Shqipëri, por mund të ftojnë edhe grupe të tjera për stërvitje?, vazhdon më tej analiza e Massoud Kohdabandeh. Gjithçka nisi në 2013, ku ish Sekretarja e Shtetit, Hilari Klinton, në përpjekje për të inkurajuar vendet e tjera të marrin përsipër strehimin e muxhahedinëve, nënshkroi një marrëveshje me kryeministrin e asaj kohe Sali Berisha për të marrë pak më shumë se 200 anëtarë të muxhahedinëve irakianë.

Muxhahedinët, terroristë

Sipas autorit tashmë muxhahedinët kanë krijuar një enklavë de facto në vendin tonë dhe janë një potencial për krime në një vend të njohur për korrupsionin e përhapur dhe krimin e organizuar. Por jo vetëm kaq, ata mund të ngrenë lehtësisht një kamp stërvitor për terroristët. Në fakt muxhahedinët deri para pak kohësh njiheshin si grup terrorist nga Perëndimi. Por pasi CIA dhe SHBA nisën t?i përdorin për të luftuar regjimin në Iran, u bënë miq. ?Është e pamundur të injorosh faktin që muxhahedinët janë të radikalizuar në thelbin e tyre. Shumë prej tyre janë trajnuar nga Sadam Hysein për akte terroriste?, thotë ai. Autori sugjeron autoritetet tona t?i trajtojnë muxhahedinët si individë dhe jo si grup, në mënyrë që të shmangin ngritjen e një mase terroriste në vend./Sot