Cirku apo stadiumi i Shkodrës, me ngjyrat e Serbisë?!!!

18 Shkurt 2016, 17:51, Opinione CNA

Nga Dritan GJYREZI

Ishin ditët e para, kur përflitej se Kryeministri kishte vendosur të rikonstruktonte stadiumin e Shkodrës. Pas rregullimit të qytetit, nevoja për dicka të tillë ishte imediate. Pavarësisht bindjeve politike, të gjithë, si edhe unë, e kanë mirëpritur një projekt të tillë. Por, jo cdo gjë shkoi ashtu sic u fol. U nis me vrull dhe u premtuan shumë data përfundimi, ndërkohë që aty akoma s?kishte një projekt. Dukej se kjo nismë, nga një nevojë po kthehej në një shou. U bënë disa takime, disa nga këto edhe brenda në stadium, nganjëherë edhe duke thyer derën e stadiumit për të hyrë aty nga ata që do ta rikonstruktonin.

U dhanë shumë data për fillim dhe mbarimin e tij, madje duke karikuar edhe tifozët për një zhvillim të mundshëm të ndeshjes Shqipëri-Serbi në tetor të vitit të kaluar, por me kalimin e ditëve të gjitha ranë poshtë. Kishim një Bashki dhe FSHF, që nuk u pyetën asnjëherë. Vetëm qeveria vendoste. Në Shkodër ka një shprehje: Moti i mirë duket nadje (në mëngjes). Pavarësisht se ishte një projekt ekzistues, u bë një tjetër skandaloz, ku defektet s?kishin fund, që me kalimin e viteve mund të hyjë në ?epic fail? të arkitekturës. Moskorrektesia për përfundimin e punimeve vazhdon akoma.

Disa thonë mbaron në mars, disa të tjerë thonë që duhen edhe 3 milionë euro të tjera për të përfunduar këtë shtesë rreth 3000 karrigesh, me një kosto totale investimi rreth 17 milionë euro, ndërkohë që një stadium normal ka një kosto rreth 600-800 euro për karrige, po të bëhet nga fillimi. Por këto do t?i vlerësojnë organet përkatëse, ndoshta një ditë, por ndoshta edhe kurrë, pavarësisht se ato janë lekët e taksave të shqiptarëve. Por, ajo që s?do toleronte asnjë tifoz i Vllaznisë është dizajni i zgjedhur për stolat. Të ngjason më shumë me reklamën e ?Pepsit?, apo dhe të flamurit të ndonjë vendi fqinj, që mesa duket i ka ngelur peng që s?u realizua ndeshja kualifikuese e 8 teyorit 2015 në këtë stadium.
Ne maketin-projekt te stadiumit ?Loro Borici? nuk ishin specifikuar ngjyrat e stolave Ngjason më shumë me një cirk, sesa me një stadium të Vllaznisë. Ngjyrat e Vllaznisë janë kuq e blu, nga lart-poshtë, dhe këto kanë qenë për gjithë historinë e saj. Prandaj, me to s?mund të talleni të nderuar qeveritarë, por kështu është kur qeveria nuk pyet as për klubin, as për qytetin dhe as për pronarin, që është bashkia. Dëshira ime dhe e cdo shkodrani do të ishte që në përfundim, atyre stolave t?u ndryshohej vendosja dhe të bëhej dicka sic u ka hije tifovëze shkodranë dhe jo pikturave e shijeve të qeverisë./Telesport