E fundit!

16:59 Aktualitet

Dritan Prençi, kasaphanë me dosjen e inceneratorit të Tiranës

Avokatja Adriana Kalaja e ka cilësuar si kasaphanë punën e...

Rroftë Rrota/ Nga Edison Ypi

17 Shkurt 2016, 18:13, Opinione CNA

Rroftë ajo rrota e mjerë vdekur mbi rërë, rrota e Divjakës, rrota që rrëzoi aeroplanin e drogës, rrota që vuri në lëvizje rrotat e tjera, rrotat e propagandës, rrotaxhilet e gazetave, rrotaxhinjtë e televizioneve.
Rroftë rrota që ndezi fantazinë e shqiptarëve që vrasin babain me kazëm në kurriz, therin fytin e gruas me thikën e bukës, shkulin gurrmazin e ortakut të biznesit me tyrjelën e heqjes së tapës.
Rroftë rrota që lëvizi rrotat e Parlamentit, rrotat e pushtetit, rrotat e rendit, rrorat e mendjeve të shqiptarëve.
Rroftë rrota e Divjakës falë së cilës u bë e qartë se kaçatorrat e drogës i kapim, Mitsubishat i ndalim, trafikantët i burgosim, dhe rrjedhimisht Statusin e meritojmë, në Europë do rrotullisemi.
Rroftë rrota që na bëri të ditur se drogën e transportokemi jo vetëm me rrota mishi, rrota të gjalla, njerëz, mushka, gomerë, por edhe rrota të pashpirta, makina, aviona, motoskafa.
Rroftë rrota e Divjakës që u dha haberin rrotave të Razalatatit, dhe jo vetëm atyre, se hashin mund të vazhdojnë ta kultivojnë, por me pak më tepër vigjilencë, rrotash natyrisht.
Rrofshin rrotat që me sebepin e rrotës së Divjakës, po na thonë se hashishi nuk është vdekjeprurës dhe s’kemi pse të mos e legalizojmë.
Rroftë ai rrota që tha se tash e tutje informatorët e rrotave të rëna nga avionat e drogës duhen shpërblyer me titujt; ?Hero i rrotës kapitaliste?, ?Nderi i drogës së Divjakës?, ?Shpëtimtari i hashishit të Çermës?, ?Martiri i miellit të Karavastasë?, ?Lavdia e barit të Bashtovës?.
Punë të mbarë kryepleqve rrotullues të fshatrave ku kultivohet drogë për më tepër vigjilencë rrotore dhe spiunim rrotaxhil.
Edhe pse e prishur, edhepse e hedhur, edhepse mbi rërë e dergjur, rroftë rrota e drogës së Divjakës.
Rrofshin e qofshin edhe rrotat e Gjadrit, Razalatit, Rinasit, dhe ku janë e ku s’janë të gjitha fushave, korijeve, pllajave, livadheve, lëndinave, ku ulen tajaret e drogës.
Rroftë dhe rrota e Historisë. Që rrotullohet e rrotullohet e kurrë s?ndalet duke na mbajtur gjithë kohën nën zapin e frikës së rrotave të drogës.