E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Dritan Hila: Nuk ma hedh dot, Erjon!

16 Shkurt 2016, 21:47, Opinione CNA

Sot, nepër media dhe rrjetet sociale, Erion Veliaj prezantoi projektin sesi do të bëhet hapësira e fundit e mbetur e paprekur tek kodrat e liqenit artificial. Është një reagim i tij i cili vjen pas protestave që kanë bërë në terren dhe rrjete njerëz të ndryshëm. Shumëkush u përpoq ta kanalizonte si protestë të PD-së. Eshtë një strategji e njohur për të futur gjithmonë në llogoret e politikës dhe paralizuar gjysmën e popullsisë dhe shoqërinë civile,për projekte të cilat kanë bisht mbrapa. Por sot është dita që askush nuk ka pse kompleksohet nga diçka e tillë. Aq më shumë kur këtë ideologjizim e bën Erioni, që në vetvete nuk ka asgjë ideologjike.
Personalisht nuk kam asgjë kundër Erion Velisë. Por nuk mund të fyej inteligjencën time kur ndrimin e poçave të llambave tek Pazari i Ri e quan aksion të paprecedent, ndërkohë që e cilësoi shpërdorim fondesh kur tentoi ta bënte paraardhësi i tij. Është një proces rutinë. Nuk mund të pranoj që më ndryshoi cilësia e jetës pse i lyejti kazanët e plehrave me portokalli, dhe tani pas gjashtë muajve që janë ciflosur duken më ibret sesa ishin. Nuk mund të quaj Tiranën më të pastër, më të ndriçuar apo më të asfaltuar, pasi këtë standart e arriti Edi Rama që në 2005-ën, dhe Tirana nga ajo ditë as është keqësuar e as është përmirësuar. Nuk mund ta quaj luftë për kontrollin e territorit shëmbjen që i bëri një vedrate dhe zgjerimin me vetëm 0.6 metra të një trotuari 10 metra të gjatë aty ku shkruhej shkolla ?Kristaq Rama?. Pasi unë që banoj tek Komuna e Parisit e di se ishte vetëm një shfaqje. Ndërkohë rruga kryesore e një lagjeje mijërabanorësh, vazhdon e mbetet dykalimshe, trotuarët janë si tra ekuilibri, ndërsa rrugicat ndërmjet pallateve 12 katëshe, janë shtigje. Unë nuk mund ta përgëzoj iniciativën e tij për lëvizjen me biçikleta, vetëm se këto i bën perëndimi dhe na bëjnë ne më evropianë, por vetëm si një shfaqje mediokre të njeriut që do të dalë me çdo çmim në televizione. Sot, në rrugët e ngushta dhe sklerotizuara të Tiranës, janë po aq makina sa ishin,dhe ca më shumë biçikleta, të cilat ju nxijnë jetën shoferëve, ngadalësojnë trafikun dhe vetë biçiklistët terrorizohen. Erjoni i bie shkurt. Pa zgjeruar rrugë, pa ndërhyrë, thjesht nxit njerëzit dhe jep spektaklin e ditës. Duke harruar se një politikan ndikon në zakonet e njerëzve dhe e përdor forcën e bindjes që të jep pushteti, pasi ka krijuar kushtet që iniciativa e tij të jetë normalisht e aplikueshme dhe funksionale. Mua nuk më mbushte mendja se po jetoj në një qytet evropian, vetëm se Erioni do të japë shfaqje për sterilizimin e qenve, e ndërkohë qentë janë në rrugë. Nuk besoj se shoqëria jonë që është e padhimbsur ndaj individit i dhimbsen qentë. Nuk besoj se Erioni që terrorizon fashatarët që shesin në rrugë i dhimbsen qentë. Nuk dua të pres edhe 10-15 vjet sa të ngordhin qentë e sterilizuar, që ti them vetes se nuk po jetoj në një fshat të madh të Azisë.
Si shou i poçave, si ai i kazanëve apo biçikletave, është edhe iniciativa e fundit tek Parku i Liqenit Artificial. Nuk dua të vras mendjen se ku fle lepuri apo se cili është qëllimi. Sulmi që i bën Bashës dhe krahasimi me Hollandën, është një luftë pa pikë fantazie mediatike dhe politike. E tillë është edhe propaganda që bën aradha e tij mediatike që shfrytëzon mundësitë që të jep pushteti. Një zgjedhje ekologjike dhe e padyshimtë në qëllime të mbrapshta, do të ishte që ajo sipërfaqe të mbillej me bar, pemët të kuroheshin, dhe ti jepej mundësia fëmijëve apo të rriturve të shëtisnin në natyrë. Në një natyrë, që të vjetrit po e harrojnë sesi është, ndërsa fëmijët nuk do të kenë mundësi ta njohin kurrë. Nëse do të ishte seriozisht i bindur në nevojën që kanë fëmijët për hapësira lodrash, poshtë digës së liqenit, vetëm 100 metra larg projektit egzistues, është një djerrinë që qelbet nga fekalet dhe mbeturinat. Le ta bëjë aty parkun e fëmijëve. Ka pronarë? Le ti shpronësojë. Apo kjo i heq mundësinë të japë leje ndërtimi.? Apo shpronësimi është para e shpenzuar pa pasur mundësi të bësh tendera? Por nëse aty mendon të ndërtojë pallate, siç dhe kanë filluar në një pjesë të tij, dhe projekti i parkut të fëmijëve do të bëhet aty ku ka nisur, atëhere kjo tregon se Erioni nuk është as reformatori, as administratori dhe as babai i dhëmbshur i fëmijëve të Tiranës./dritare.net