E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Mero Baze/ Përndjekësit e rinj të Zhitit

3 Shkurt 2016, 20:28, Opinione CNA

E vërteta ishte e dhimbshme, ndërsa arsyeja e sulmit ndoshta më perversja dhe klientelistja që mund të ndodhë në një vend, ku ende kësaj qendre agjitopropi, i lejohet të quhet televizion kombëtar, por që merret me hallet e një katundi në Lezhë.

Historia është e thjeshtë. Sulmi i paprinciptë dhe tonet e larta kundër ?korrupsionit? të Ministrisë, bënin fjalë për Eda Zhitin, zonjën e Visar Zhitit, e cila nuk e ka mbledh veten nga humbja tragjike e të birit dhe disa herë është detyruar të kurohet për depression, deri tentim vetëvrasje në Itali.

Tragjedia e familjes Zhiti ka në qendër dy prindër, të cilët një zot e di ku e gjejnë forcën që janë ende në këmbë, pas humbjes së djalit të vetëm 20- vjeçar. Pas tragjedisë, kryeministri Rama emëroi Visar Zhitin ambasador të Shqipërisë në Vatikan, por emërimi u kundërshtua me egërsi nga presidenti Bujar Nishani.

Nuk ishte një çështje tërësisht politike, siç deshën ta paraqesin komunistët e PD, si një lloj ?flirti? të Zhitit, ish i burgosur, me këta ?ish- komunistët?, por një arsye tërësisht banale, si çdo arsye e Bujar Nishanit, tërësisht klienteliste dhe katundareske. Bujar Nishani ka të punësuar në Presidencë një nuse të Frangajt, dhe emërimi i Zhitit në Vatikan, linte pa punë motrën e Frangajt, një nëpunëse mediocre, e emëruar aty për shkak të vëllait shërbëtor qeverish dhe e mbetur aty për turp të Edi Ramës dhe Ditmir Bushatit. Kaq banale ishte kjo histori, sa u politizua dhe debati u orientua jo rreth një nëpunëse mediocre, që nuk meriton të jetë asnjë orë në ambasadë, por rreth faktit nëse ka tradhtuar Visar Zhiti, si ish- i burgsur apo jo. Dhe si pëfundim, Visari nuk u dekretua ambasador.

Zonjës së tij, e cila si nënë, nuk po e përballon dot ende fatkeqësinë, i është dashur të shkojë të marrë regjim spitalor në Itali, dhe ministrja Kumbaro ende nuk ja paska shkëputur marrëdhëniet e punës. Për këtë qendra e zërit e Frangajve, ka dhënë kushtrimin për korrupsion, dhe kërkon, që ose t?i hiqet rroga zonjës Zhiti, ose të penalizohet ministrja Kumbaro. Dhe arsyeja është përsëri Visar Zhiti dhe prania e tij në Ambasadën e Shqipërisë në Vatikan, i cili pengon ëndrrën e motrës së Frangajve për të shkuar edhe më lart (Zoti na ruajt, dhe kjo mund të ndodhë).

Visar Zhiti është nga ata ish- të dënuar politik të komunizmit, që e ka të pastër historinë e dënimit dhe mbijetesës. Ai hyri dhe doli nga burgu një poet i ndjerë, dhe i injoroi persekutorët e vet të komunizmit, dhe kur i kishtë në të njëjtën tavolinë pas viteve ?90.

Por, tashmë në horizont, që pas fatkeqësisë së tij familjare, janë shfaqur disa përndjekës të tjerë, dhe këta janë Frangajt, të cilët nuk quajnë fatkeqësi humbjen e një djali të vetëm, por humbjen e vendit të punës, tërësisht të pamerituar, për një familjar të tyre. Meqë profili i lartë i Zhitit, i la pa arsye argumentat për t?u krahasuar, tani angazhohet një medie me liçencë kombëtare, të përndjekë gruan e tij, me shpresë se do ta rikalojë në depresion dhe do t?i detyrojë Zhitët më në fund të dorëzohen para fatit të Frangajve dhe t?i hapin rrugën mediokritetit, klientelizmit dhe pafytyrësisë së një njeriu, që shkel dhe mbi kufoma për pasionin e tij ndaj pushtetit.

Kjo është përndjekja e dytë më e ndyrë, më e rëndë, më fyese, më poshtëruese dhe më e pamëshirshme, që i bëhet Zhitit, jo më në emër të ndonjë ideali, por për shkak të vlerës që ai ka dhe asaj që meriton të marrë nga shteti shqiptar, dhe që është pengesë për Frangaj dhe Nishanin.

Dhe nazistët do ta kishin zili këtë përndjekje dhe këtë torturë ndaj kundërshtarëve të tyre, përndjekje që dëshmon çdo të thotë ta lësh shoqërinë në dorë të Frangajve, kur pushteti e lë të ndjehet si zagar gjahu.