web counter
LEXO PA REKLAMA!

SHKARKO APP

App Store
Google Play

E fundit!

x

Nga Leonard Olli/ Veliaj po zhvat qytetarët e Tiranës! Nuk kemi parë gjë akoma

1 Shkurt 2016, 19:23, Opinione CNA

I vetmi pseudoargument i Veliajt per zhvatjen e qytetareve dhe perfitim personal me ngritjen e çmimit te biletes, ishte “frika” se qytetaret mund te te mbeteshin pa transport. E ndersa publikisht perbetohej se nuk do te kishte ngritje çmimi, pak dite me pas filloi lojen e kungulleshkave me çmimin e biletes, e ne fund fare u “dorezua pa kushte” ndaj ngritjes se çmimit qe zhvasin nga xhepat e qytetareve 6 mln$ çdo vit. Per kedo qe perdor sherbimin urban te transportit dhe qe rroga e tij eshte mesatarisht ne 220 mije lek ne vit, kjo zgjidhje do ti kushtoje rreth 25% te kesja page mujore, nderkohe qe per kedo qe merr me pak se kjo shume, kjo perqindje shkon edhe deri ne 35% te pages. Me nje veshtrim te shpejte retropsketiv cdokush kupton lehtesisht se ka dy modele krejtesisht te kunderta ndaj kesaj çeshtje:

? 2 vjet refuzim nga kryebashkiaku Lulzim Basha, sepse rendon xhepat e qytetarëve
? Vetëm një javë pas “presionit” te shoqates, kryebashkiaku Veliaj “kapitullon pa kushte” dhe miraton si cub rritjen e çmimit.

Mars 2013 – Shoqata e Transportit Qytetas ka kërkuar për të disatën herë rritjen e çmimit të biletës së autobusit me 70 lekë. Përfaqësuesit e shoqatës kërkuan takim me drejtues të Bashkisë së Tiranës dhe u shprehen të vendosur se nëse Bashkia refuzon kërkesën për rritjen e çmimit ata do të shkojnë në gjykatë për zgjidhjen e kontratës.
Mars 2013, Basha deklaron: ?Nëse ndonjë nga operatorët mendon se mund të rrisë automatikisht çmimin e biletës ai do të përballet me heqje të menjëhershme të licencës?.
Në tetor të 2013 : Shoqata e transportit kërkoi rritje të çmimit të biletës, kjo u refuzua nga kryebashkiaku Basha me argumentin se nuk mund të rendohej mbi xhepat e qytetarëve por mund të ndërmerren hapa të tjerë për të kompensuar transportin publik.
Në nëntor 2013: Shoqata e transportit kërkon rritje çmimi, refuzon bashkia. Duhen masa alternative qe nuk rëndojnë në xhepat e qytetarëvë
Në dhjetor 2013: Basha i kërkon qeverisë përmes një letre qeverisë të subvencionojë kostot e transportit pasi nuk mund të pranohet rritja e çmimit që rëndon qytetarët.
6 shkurt 2014 nënkryetari i Bashkisë Enno Bozdo ne nje deklarate për mediat, pas heshtjes dy mujore te Qeverise Rama për kërkësën e zotit Basha deklaron: “Bashkia e Tiranës kërkon nga qeveria që të subvencionojë transportin publik, në mënyrë që të mos rritet çmimi i biletës për qytetarët. Shpreh shqetësimin e bashkisë së Tiranës për heshtjen totale të qeverisë ndaj letrës së dërguar nga bashkia, kërkesës së Shoqatës së Transportit Urban dhe pritjes gjithë ankth të qytetarëve për çmimin e biletës.
Që prej muajit dhjetor, kryebashkiaku Lulzim Basha i është drejtuar me një letër ministrit të Transporteve, në të cilën, duke vlerësuar ndjeshmërinë qytetare ndaj rritjes së çmimit të biletës së transportit urban, por edhe duke njohur dhe vlerësuar vështirësitë e operatorëve të transportit publik qytetës, për sa i përket rritjes së kostove për njësi shërbimi, propozoi si zgjidhje:
?Subvencionimin operativ të shërbimit nëpërmjet granteve të kushtëzuara ndaj qeverisjes vendore.
?Subvencionimi social për kategoritë që sipas ligjit përfitojnë transport publik falas;
?Ulja e TVSH-së për shërbimin e transportit publik;
?Heqja e akcizës së naftës për transportin urban qytetas.
?Ndryshimi i legjislacionit për emetimin dhe prodhimin e biletave të transportit për mundësimin e sistemit të biletave elektronike, që shmang abuzivitetin në përdorimin e shërbimit urban qytetës.
?Ndryshimi i sistemit të llojeve të biletave, që është shumë i kufizuar duke mos lënë hapësira për përdorimin e llojeve të ndryshme të biletave shumëpërdorimshe.
11 shkurt 2015- Grevë 3-orëshe, kërkohet rritje e çmimit të biletës.
12 shkurt 2015- Parashikohet grevë 24 orë me kërkesën për rritje te çmimit te biletës
Reagon menjëherë Bashkia e Tiranës drejtuar nga Lulzim Basha : ?Bashkia e Tiranës, duke marrë parasysh situatën e rëndë ekonomike që po kalon vendi, rritjen e taksave dhe çmimeve nuk mund të ngarkojë qytetarët me kosto shtesë, të cilat do të ndikonin drejtpërdrejt në përkeqësimin e cilësisë së jetës së tyre. Duke njohur dhe vlerësuar vështirësitë e operatorëve të transportit publik qytetës, përsa i përket rritjes së kostove për njësi-shërbimi, Bashkia e Tiranës gjykon që zgjidhja e këtyre problemeve duhet të adresohet, duke ndërmarrë veprimet e mëposhtme, të cilat në bazë të Ligjit nr. 8308, datë 18.3.1998, ?Për transportet rrugore?, të ndryshuar janë kompetencë e qeverisë: Subvencionimi social për kategoritë që sipas ligjit përfitojnë transport publik falas; Ulja e TVSH për shërbimin e transportit publik; Heqja e akcizës së naftës për transportin urban qytetas. ?Bashkia e Tiranës u kërkon operatorëve të transportit publik të ndërmarrin masa të menjëhershme për rikthimin e shërbimit ndaj qytetarëve. Në të kundërt, ne do të ndërmarrim masat, siç parashikohen në marrëveshjen kontraktuale.,
12 shkurt 2015 reagon shoqata e Transportit : Shoqata e Transportit urban mund të tërhiqet nga kërkesa e saj për rritjen e çmimit të biletës së transportit urban, nëse qeveria merr përsipër heqjen e akcizës dhe rimbursimit të TVSH-së.
22 dhjetor 2015: Shoqatat e transportit kërkojnë rritje të çmimit të biletës
22 dhjetor 2015: Veliaj deklaron se çmimi nuk do të rritet
30 dhjetor 2015: Veliaj vendos rritjen e te çmimit të biletës së autobusëve
30 dhjetor 2015: Partia Demokratike akuzon Veliajn se ka marre ryshfet për rritjen e çmimit. Rritja e çmimit të biletës pazar që u kushton qytetarëve 6 milionë dollarë në vit.
1 shkurt 2016: PD kallëzon penalisht Erion Veliajn për rritjen e çmimit të biletës.
E pra nje çeshtje dy zgjidhje krejt te kunderta, ajo e Bashes qe nuk rendonte aspak xhepat e qytetareve dhe kjo e Veliajt, qe i fut thelle duar ne xhepat e tyre, duk iu zhvatur qindarkat e bukes se gojes! Nuk kemi pare gje akoma!





Lajmet e fundit nga