E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

XHUNGËL/Nga Mitro Cela

24 Janar 2016, 18:28, Opinione CNA

HABERET E MITROS

Në gjuhën kineze, hieroglifi që ka kuptimin e ?krizës?, përbëhet nga dy shënja. Njera nënkupton fjalën: ?rrezik?! Tjetra fjalën: ?shpresë?! Në vatanin tënë, ?çmim? ka një kuptim: rrezik për miletin!
Do fakte, mo I nderuari këndonjës? Këpuca më e shtrenjtë në doganë çdoganohet 10-15 euro. Vetëm tek Gabi mund të blesh këpucë me këtë çmim. Në TEG, QTU a në Bllok, vështirë të gjesh këpucë nën 80 euro!
?Fatin? e këpucëvë e ndjekin këmishët, dekoltetë e çupave, kostumet alla frënga. Çmimet e vajit, miellit, frutave, orizit nga magazinat e doganës në ?torbën? ngrihen me here
Kam në shtëpi një telefon fiks. Mblesëri me ?Albtelekomin?. Kam tre muaj që as flas e as kam paguar. Dje ra telefoni: ?Jemi Albtelekomi. I keni borxh kompanisë 30 mijë lekë të vjetra plus kamatën?!? Ku qëndon marifeti: ?Albtelekomi? edhe pa folur ka një faturë fikse 10 mijë lekë?!
Një javë më parë më duhej të nisja 100 euro në ambasadën tonë në Romë. Shkova në bankë. Më thotë sportelisja gjithë lezet:? Tarifa jonë është 25 euro. Por që të mbrijnë sakllam erot në ambasadë, duhet të shtosh edhe 25 euro të tjera. I marrin italianët. Më shqip duhet të paguash 150 euro!? Zgurdullova sytë, duke kruajtur xhepat?!
Dola nga dera e bankës. Takova një mikun tim. ? Isha në Prishtinë. Nisa djalin në Londër. Pagoi 65 paund. Me Alitalien më ?kërkuan? 400 dollarë?!?
Faktet e mija nuk janë zbulim. Me pak ?sakrificë? dhe gjen paradokse mes tabelave që ?prodhon? Instituti I Statistikave, doganat a taksidarët. Problemi është se pushtetarët kanë veshur petkun e liberalit duke menduar: shteti nuk mund të ndërhyjë në lojën e çmimeve. Çmimet i vendoska, sipa tyre, konkurenca e tregut.
Teoritë liberale për ta kthyer shtetin në një ?roje nate? në ?piramidën? e ndërtimit të çmimeve, janë përralla me mbret. Ekonomia jonë në tranzicion, të kujton epokën e Adam Smithit. Pa e kapërcyer këtë ?epokë?, teoritë liberale mund të përdoren si ?lëndë e parë? vetëm për seminare ku shpenzohen ?lumë? paratë e donatorëve.