web counter
LEXO PA REKLAMA!

SHKARKO APP

App Store
Google Play

E fundit!

x

Nga Artan Fuga/ Në Shqipëri gjithçka është monopol

20 Janar 2016, 10:42, Opinione CNA

Ja pse kemi ngec!

Dhe jo monopol që vjen nga përqendrimi. jo, se ky do të ishte lloji më i mirë i monopoleve të këqia. Pro, monopol administrativ, me ligj, me vendim.

Si në kohën e feudalizmit në Europë.

Zgjedhjet e deputetëve janë monopol i kryetarëve që vendosin emrat e kandidatëve në listë.

Partitë politike në Kuvend me anë të ligjit të zgjedhjeve nuk lejojnë parti të tjera të kandidojnë dhe aq më pak individë. Zgjedhje monopol.

Nëpunësia është monopol i militantëve, duhet ta kesh atë dreq kartë antarësimi në parti.

Futbolli kombëtar është monopol vetëm i lojtarëve që luajnë jashtë.

Koncesionet ekonomike janë monopol atyre që kanë parà për të paguar sepse hapja e koncesioneve për shoqëritë e gjëra aksionare është e penguar.

Shkollat doktorale janë monopol i Lanës.

Tregtia me shumicë – monopol i lobive që pengojnë cdo farë të prodhimit vendas dhe sjellin ose vetëm produkte jashtë standardi ose me çmime në stratosferë.

Informacioni është monopol i kryetarëve të bashkive ose i drejtorëve të informacionit apo i zëdhënësve të dikastereve. Ku ka gazetar që bën lajm nga iniciativa e tij!

Ekspertët dhe statusi i tyre nuk ekziston, roli i ekspertit është monopol i të besuarve të partive.

Monopoli mbi dijen universitare dhe shkollore është monopol i ministrisë që censuron gjithë dijen që nuk i shkon për shtat politikës në fuqi.

Prandaj ka ngecur Shqipëria dhe duke si Shqipëria e kohës së Zogut në vitin 36. Koncert në vitin 36. Në vend të brekusheve kemi tuta gabi.

Cfarë nuk është monopol?

Mbjellja e domateve dhe e preshëve ke oborri kooperativist.

Edhe hapja e ndonjë kioske për të shitur pula ngriva – shkriva.





Lajmet e fundit nga