E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Nga Mero Baze/ Reforma “varrosi” dhe kritikët e Bashës brenda PD?

16 Janar 2016, 20:26, Opinione CNA

Partia Demokratike kundërshtoi draftin e reformës për drejtësi përmes një opinioni dërguar Komisionit të Venecias, i cili është shumë larg qëndrimit të saj politik muaj më parë, që nuk dëshironte të përfshihej në këtë proces dhe shumë larg premtimit që ju dha diplomatëve perëndimor, se do ta pranonte këtë proces, pas rekomandimeve të Venecias. Njeriu që i shpalli luftë dhe paqe reformës në drejtësi, ishte Sali Berisha. Ai e mbajti PD larg procesit, detyroi presidentin e Republikës, të bëhej zëdhënës i tij për cdo pargraf dhe arriti të bind diplomatët perëndimor, se ai ishte qendra e vendosjes për qëndrimin e PD në këtë çështje.

Për këtë shkak dhe ambasadori Lu, i cili në fillimet e veta shmangte dhe rrugën nga oborri i PD kur shikonte Berishën, filloi të trokas në zyrën e tij, duke parë se Basha ishte thjeshtë një njeri që informohej i fundit nga Berisha, për qëndrimet që duhet të mbante PD.

Dhe Bashën unë e kuptoj në këtë proces, por nuk kuptoj kritikët e tij. A ka kritikë të tjerë në PD kundër Bashës ose Berishës?

Natyrisht që ka. Ka plot deputetë dhe drjetues të PD që janë të pakënaqur nga mënyra se si Basha udhëheq PD, nga mënyra se si Berisha është ende në pushtet brenda në PD, nga mënyra se si merren vendimet dhe organizohet partia etj. Të gjitha pakënaqësitë e tyre, mund të jenë legjitime. Por në politikë, personazhet mbeten në vemendje të publikut, jo për pakënqësit brenda partive, por për qëndrimet publike që mbajnë ndaj çështjeve të rëndësishme.

Reforma në drejtësi është një çështje e rëndësishme e cila ka trazuar skenën politike shqiptare, biles ka përfshirë si rrallëherë ndonjë herë dhe diplomatët perëndimorë.

Por nga brenda Partisë Demokratike, deri tani është dëgjuar vetëm një zë, ai i Sali Berishës, i riprodhuar nga Nishani apo Basha.

Për të dhunuar kiritikët e vet brenda partisë, Berisha nisi dhe një fushatë linçimi publik ndaj gjithkujt, që sipas tij do tentotne të shitej te shumica për reformën në drejtësi, tentativë që as nuk është bërë dhe as i duhet askujt.

Dhe në përfudnim ne nuk kemi asndonjë mendim ndryshe, më radikal se ai i Berishës, apo më i moderuar se i Lulit, rreth reformës në drejtësi nga brneda PD, dhe as ndonjë kritikë apo vlerësim për mënyrën se si Berisha, mori zvarrë PD në këtë proces.

Disidentët e Partisë Demokratike apo dhe Partisë Socialiste, nuk mund të jenë përjetësisht njerëz që flasin kur i heqin nga kryesia, nga lista e deputetëve, apo nga të deleguar nëpër rrethe, por njerëz që kanë lënë shenja publike në debatet më të rëndësishme në vend. Pastaj linçimi apo mbështetja e tyre meriton të bëhet objekt i debatit publik, pasi ata do të njihen si personazhe publik.

Në të vërtet në PD deri më sot, nuk ka asnjë kritikë për qëndrimin e PD ndaj reformës në drejtësi, çështjes më të rëndëishme politike të vitit, e cila po trondit dhe koalicionin qeveritar. E gjithë PD është e përfshirë në linjën e Berishës, i cili nuk është i interesuar për reformën në drejtësi, por për përdormin e saj për diversion politik brenda shumicës.

Kur them që dikush brenda PD, duhet të shfaq mendimin e tij nuk them të jetë deomos pro reformës, por të ketë një qasje të tij për atë që po bën PD rrett reformës. Në fakt nuk ka asnjë pëshpërimë rreht kësaj çështje, çka tregon se thatësia politike brenda opozitës është e plotë.

Kur një deputet apo dikush që pretendon të ketë personalitetin e tij politik brenda një partie të madhe, nuk flet për këtë cështje, ai nuk është pjesë e debatit dhe interesit publik dhe nuk do të jetë kurrë interesant dhe nëse viktimizohet dikur nga partia e tij.

Kompleksimi që Berisha u bën deputetëve brenda PD, që të mos dalin nga reshti për të ndjekur linjën e tij dhe mungesa e një vlerësimi kritik për joserizitetin e përdorimit të Partisë Demokratike në këtë proces , të bëjnë të mendosh se Basha ja ka arritur të mos ketë më kritik brenda PD, por të ketë vetëm një shef, atë që e ka përzgjedhur të jetë si kryetar formal. Kjo nuk është pak për dikë, që dhe kundërshtarët i mund me hijen e shefit të tij. Dhe nuk mirë, as për secilin që pretendon të jetë kritikë me Bashën, për mënyrën se si bën politikë në emër të PD. Më zvarrë se kaq dhe më pa dinjitet se kaq, nuk mund ta tërhiqte asksuh PD në këtë proces, por Basha ja doli të çoj vetëm opinionin e Berishës në Venecia, miratuar nga heshtja e kritikëve të tij.