E fundit!

23:00 Aktualitet

Zgjedhja e ekipit drejtues të PD-së/ Vijon numërimi i votave në selinë blu

Vijon procesi i numërimit të votave për zgjedhjen e strukt...

Skandali Dhori Kule dhe mjerimi i filozofisë

12 Janar 2016, 21:10, Opinione CNA

Nga Çerçiz Loloçi

Pak muaj më parë Departamenti i Filozofisë (Fakulteti i Shkencave Sociale në Universitetin e Tiranës) në Buletinin e Njoftimeve Publike bëri me dije se kërkonte një personel të brendshëm dhe hapte konkurrimin duke dhënë edhe specifikimet përkatëse. Pas këtij procesi, persona që mendonin si i plotësonin kriteret aplikuan pranë departamentit të Filozofisë dhe një komision i posaçëm pranë këtij fakulteti i përbërë nga Edmond Rapti, zëvendësrektor dhe pedagog i psikologjisë; Adriana Anxhaku, përgjegjëse e departamentit; Petraq Simo, zv.dekan dhe pedagog i psikologjisë; Majlinda Keta, pedagoge e filozofisë dhe Ferit Baça, pedagog i filozofisë, kanë përzgjedhur dy aplikantë dhe kanë renditur të parën me 95 pikë znj. Aida Goga. Më pas me një vendim të rektorit Kule (punëdhënësi) në nëntor 2015 Goga është emërua pedagoge e Filozofisë. Po ta shohësh në sipërfaqe dhe po të marrësh parasysh përgjigjen e rektorit Kule duket se gjithçka ka shkuar normalisht duke u zbatuar kriteret ligjore. Në të vërtetë situata është krejt ndryshe që flet drejtpërdrejt për një skandal emërimi dhe për një varg problemesh:

Problemi i parë: Personalizimi i thirrjes

Në thirrjen e Fakultetit të Shkencave Sociale njoftohej për 1 (një) vend të lirë pune si punonjës mësimor pranë Departamentit të Filozofisë në Fakultetin e Shkencave Sociale të Universitetit të Tiranës. Departamenti i Filozofisë në Fakultetin e Shkencave Sociale të Universitetit të Tiranës shpall konkursin për 1 (një) vend të lirë pune, si punonjës mësimor pranë këtij Departamenti. Kandidatët konkurrentë duhet të plotësojnë këto kritere të përgjithshme:

Kandidatët konkurentë preferohet të plotësojnë këto kritere të veçanta.

Kandidatët konkurentë duhet të paraqesin këtë dokumentacion:

Nëse do të vëresh me vëmendje thirrjen e mësipërme do të duhej që komisioni i pedagogëve të përzgjidhte jo personin e parë, por atë që është i renditur i dyti për disa arsye:

Shkeljet ligjore me fituesen

Mungesa e transparencës

Natyrisht se në një konkurrim apo edhe në një përzgjedhje komisioni prej pesë pedagogësh merr parasysh së pari kriteret ligjore dhe ndërton nj pikëzim që ballafaqon konkurentët. Si fituesja me 95 pikë ashtu edhe e shpallura me 90 pikë e kanë të domosdoshme të ballafaqohen me avantazhet dhe dizavantazhet ndaj njera-tjetrës, por kanë kaluar pesë muaj dhe as departamenti, as rektorati dhe as Ministria e Arsimit nuk e kanë sqaruar këtë gjë. Pra bëhet fjalë jo se si ka votuar Rapti, Anxhaku, Simo, Keta e Baça për dy konkurrentët e përzgjedhur (pasi kjo është konfidenciale dhe nuk mund t?i jepet askujt), por për ballafaqimin e pikëzimit. Kandidatja e dytë ka ndjekur të gjitha rrugët ligjore: takim dhe sqarim me përgjegjësen e departamentit, takim dhe sqarim me rektorin, ankim në Ministrinë e Arsimit, Kryeministri dhe në të gjitha rastet asaj i është përcjellë një përgjigje tip e rektorit Kule.

Për hendekun mes dy doktoraturave, mjafton të shikohen dhe të ballafaqohen ajo mes të shpallurës fituese dhe asaj të renditur e dyta: http://www.doktoratura.unitir.edu.al/2015/01/doktoratura-lolica-rita-fakulteti-i-shkencave-sociale-departamenti-i-filozofise/.

http://www.doktoratura.unitir.edu.al/2015/01/doktoratura-aida-goga-instituti-studimeve-europiane/