web counter
LEXO PA REKLAMA!

SHKARKO APP

App Store
Google Play

E fundit!

x

Nga Artan Fuga/ Kush kërkon të na hipnotizojë me fatalitet

7 Janar 2016, 13:40, Opinione CNA

Po, po, ideologjia jonë nuk është as marksizmi, as punizmi, as liberali-li-li-zmi, as korrupsionizmi, as sharlatanizmi.

Ideologjia sunduese është fatalizmi.

Lloj shërbëtorësh mbysin opinionin publik se asgjë nuk bëhet dot për ta përmirësuar Shqipërinë, se ligjet e hekurta fatale gjoja pengojnë vullnetmirët, nënshtrohet qytetari jo me dajak, por duke i futur në kokë idenë fatale se çdo ndryshim është i kotë sepse fatalisht nuk ka asnjë mundësi.

Ne jetokemi në botën më të mirë të mundshme!

U përmbytëm? Po nga shiu i madh o burra, çfarë të bëjmë!

Rrumpallë gjithandej? Fajin e ka qeverisja e pardjeshme, duhen shekuj të rregullohen dëmet e kaluara!

Doni demokratizimi? Nuk shikoni sesi bota është në prag të luftës, terrorizëm, edhe koreanët e veriut po na hedhin bomba me hidrogjen, e ju doni zgjidhje!

Mirëqënie? Harrojeni ! Shihni krizën ku ka hyrë Europa, ajo po shkatërrohet dhe ju doni të europianizoheni.

Si? Nuk e dini se kombi meriton qeverinë që ka? Pra, ju keni qeverinë që duhet !

Të papunë, të varfër ? ka gjithandej, edhe në Berlin, Paris e Stamboll!

Eshtë ekonomia o budallenj ! Ligjet e hekurta të ekonomisë. Cfarë të bëjmë!

Komedi tragjike. Problemi është ca i thonë nga ligësia, por ca nga budallalliku.

Fatalizëm gjithandej përhapin.

Ndërkohë që zgjidhjet janë aty, gati, për ta ndryshuar vendin brenda një kohe rekord.

Gënjeshtra !





Lajmet e fundit nga