E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Kush është personi në krah të Ramës në Majemi?

6 Janar 2016, 16:03, Opinione CNA

Nga Blendi Fevziu ?

Shfaqja e Kryeministrit shqiptar në një prej ndeshjeve më të rëndësishme të NBA në AA Arena në Majemi nuk kaloi pa vëmendje në pothuajse të gjitha mediat shqiptare. Fotot e tij bënë xhiron e portaleve dhe edicioneve të lajmeve me komente nga më të ndryshmet dhe padyshim me shumë hamendësime. Ajo që nuk u vu re dhe nuk u dallua nga mediat është se nga cili shoqërohej Kryeministri i Shqipërisë? Cili ishte personi që i rrinte në krah çiftit Kryeministror dhe cilat janë lidhjet e njohura të Ramës me të. Ata që e njohin komunitetin shqiptaro ? amerikan, kanë dalluar me lehtësi në krah të Edi dhe Linda Ramës Sel Rusin, ose Selim Rusi siç është emri i tij i gjatë.

Sel Rusi është një prej biznesmenëve më të njohur të Komunitetit shqiptaro ? amerikan. Opinion.al ka mjaft të dhëna mbi aktivitetin e tij që mund të gjenden si në shtypin e disporës ashtu edhe në atë lokal amerikan të Nju Jorkut. Rusi është nga Dibra e Madhe dhe në Nju Jork ka në pronësi një kompani milionere të quajtur ?Benjamin Maintenance? që merret me mirëmbëjatjen dhe pastrimin e rrokaqejve të qytetit. Ai është aktiv në jetën e komunitetit shqiptaro ? amerikan, por po ashtu edhe në atë të politikës direkte amerikane. Sel Rusi u bë i famshëm në vitin 2000 kur vendosi të blejë për 3.1 milion dollarë shtëpinë e famshme në Todt Hill të Staten Island, e njohur si ?shtëpia e Bardhë?. Ajo ishte ndërtuar në fund të viteve ?70 nga Bosi më i madh i mafias amerikane, kreu i familjes Gambino, Pol Kastelano. Shtëpia u bë objekti kryesor i përgjimit të FBI dhe për të janë botuar disa libra dhe janë xhiruar shumë dokumentarë. Pas vrasjes së Kastelanos nga Xhon Goti në Shkurt 1985, shtëpia ndërroi disa herë pronarë derisa Sel Rusi e bleu në 2000. Sot vlera e saj është afro 2.6 milion dollarë sipas shtypit amerikan.

Rusi ka pritur mjaft personalitete në shtëpinë e tij të famshme. Opinion.al ka siguruar fotot e darkës së kryeministrit Rama së bashku me Kryeministrin e Kosovës Thaçi dhe Zv.Kryeministrin e Maqedonisë Musa Xhaferri në Shtator 2013 në shtëpinë e Rusit. Por kjo nuk ishte e vetmja. Në shtator 2015 ai u vu në qendër të shtypit Amerikan kur vendosi të organizojë në shtëpinë e tij një takim për mbledhje fondesh me kandidaten demokrate për Presidencën, Hillari Klinton. Edhe pse republikan, Sel Rusi arriti të ftojë mbi 100 veta me një kontribut minimal prej 2700 usd secili për zonjën Klinton.

Rusi që shtë veçanrësisht i njohur në SHBA, nuk rezulton të ketë ndonjë investim në Shqipëri. Së paku Opinion.al nuk ka deri tani ndonjë dokument që ta vërtetojë këtë. Por burime të besueshme nga Nju Jork, i thanë Opinion.al se ai ka shprehur dëshirën të hyjë në një investim të madh që lidhet me industrinë e anijeve. Pa e specifikuar konkretisht këtë gjë.

Nuk dihet nëse Rama është i ftuar i Rusit apo thjeshtë ata janë takuar në ndeshjen e basketbollit. Ose nëse rama ka qenë i ftuar i tij për këtë ndeshje. Politikanët e Shqipërisë, Kosovës e Maqedonisë, zakonisht e konsiderojnë shtëpinë dhe zyrën e Rusit një vend mikpritës gjatë vizitave të tyre në Nju Jork.

Ndërkohë Kryeministri Rama nuk ka dhënë më shumë shpjegime dhe padyshim as Rusi nuk e ka bërë këtë. Shtypi amerikan tregon se Rusit nuk i pëlqen të flasë për gazetat dhe as të komentojë, siç ishte rasti i mikpritjes së Hillari Klintonit në shtëpinë e tij. Ekzistojnë shumë pak foto të tijat dhe zakonisht ai është njeri diskret.

Blendi Fevziu

(Fotot e shkrimit ilustrojne viziten e Rames ne shtepine e Rusit ne shtator 2013 dhe te Hillari Klintonit ne shtator 2015. Dhe fasada e shtepise se ndertuar nga Pol Kastelano. Opinion.al)