E fundit!

10:17 Aktualitet

Zbardhen të tjera detaje/ Gjenden 3 armë në stanin ku fshihej Braçellari

Hetimet për ngjarjen e rëndë në Lozhan, ku si pasojë e shk...

Letër Kolit! Nga Nebil Cika

19 Nëntor 2015, 21:25, Opinione CNA

I dashur mik !
Ikën dy vjet nga dita kur ti na le por mua më duket sikur ke ikur dje . Nuk ka dite qe nuk te kujtoj . Edhe kur nuk dua ta bëj vetë do gjendet dikush nga miqtë , rrethet shoqërore e profesionale te përmendë emrin tënd apo të kujtojë diçka nga ty. Mirësinë e inteligjencën , kulturën e guximin, burrërinë dhe humanizimin , seriozitetin e humorin familjarin dhe harapçiun , gazetarin , poetin dhe politikanin etje cilësi të tuat qe atëherë i kishin para syve por nuk i vlerësonin sa tani . Ndoshta vlerat behën me te shtrenjta kur te mungojnë .
Ike i ri, jashtë radhe, me hile ,na tradhtove e na preve ne bese, atëherë kur na duheshe aq shumë. Këtë nuk ta fal dot ! Ike pa na thëne gjë, pa na paralajmëruar. Nuk e dimë çfarë të ndodhi , si të ndodhi kjo gjemë. Ja bëre vetes apo ta bënë ?! Ndoshta nuk do ta mësojmë kurrë të vërtetën ne këtë bote. Por kur te takohemi ne atë tjetrën , ku te gjithë do japim hesap, sigurisht qe ma ke borxh të vërtetën.
Këtej punët venë keq e me keq edhe për fajin tënd ! Po të ishe gjalle mund te na kishe dhen enje dorë për më mirë. Te kujtohet ! Ishe i pari që hape punën e dekriminalizimit te politikës ! ?O ne o trafikantet kane vend ne ketë salle?- the ne fjalën tende te fundit ne parlament .Është bërë kauzë e opozitës dhe çështje ndërkombëtare. Thonë qe do ta bëjnë ligj. Deri tani llafe por shpresojmë shumë te behet diçka. PD vazhdon siç e ke lënë,tërhiq e mos e këput ! Gjithnjë më shumë thonë se po të ishe gjalle gjerat do ishin ndryshe . Thika njerëzve u ka vajtur në kockë ! Mjerim e pasiguri por me e keqja është mungesa e shpresës. Qindra mijëra njerëz po ikin nga sytë këmbët .Po behet gjithnjë e me e vështirë , me e pa mundur për te qëndruar këtu.
Siç te thash, kujtohej pothuaj përditë ! Ka edhe spekulim të madh me emrin dhe kujtimin tënd . Miqtë ,sidomos ata ?të ngushtë? të janë shtuar shumë pas ikjes tende. Kam pare tipa që , nuk doje as ti shihje me sy kur ishe gjallë qe përbetohen për miqësinë e madhe me ty . Te tjerë me spekulante e përdorin miqësinë apo njohjen me ty për interesa politike etje. Mundohen ta paraqesin dështimin e tyre duke e lidhur me ty,si padrejtësi qe u behet prej te qenit me ty politikisht . Këta me mërzitin me shume . mi bien zorrët në grykë.
I dashur vëlla !
Dy vite pa të parë , pa të dëgjuar zërin, janë shumë ! Boshllëku që ke krijuar me ikjen tende është shumë më i madh se sa e ke menduar. Jo vetëm për djemtë Kozetën dhe Kelën , por për te gjithë ne miq apo njerëz qe te kanë njohur ne mënyra nga me të ndryshmet .Thonë , i vdekuri me të vdekurit , i gjalli me të gjallët ! Me ty nuk po ndodh kështu. Mua me duket se je më shumë këtej me ne se andej nga je nisur. Ndoshta nga qe ike pa mbarur punë apo ngaqë e shikon se jemi në hall të madh e po perrish te na ndihmosh me praninë tënde . Ndoshta ne me nevojën qe kemi për ty , me mallin qe kemi për ty nuk të lemë te ikësh. Mbase ke ndonjë gje për të thënë e ne se marrim dot vesh !
Por pas dhimbjes së madhe ti na le një mundësi gjithashtu të madhe për ngushëllim. Ne katër dekada jetë ti bërë aq shume gjëra te mira që te tjerët nuk i bëjnë dot për dy fish e me shume jetë. Familja e miqtë krenohen me ty dhe kjo është shumë e rëndësishme. Askush nga ne nuk e di dot fundin por gjithkush do te dëshironte një kujtim e emër si ty ne këtë botë !
Kam shume për te thënë po pikëllimi e malli më zënë gryken e fjalët me tradhtojnë . Po e mbyll këtë letër duke shpresuar se do të pëlqejë . Por edhe po nuk te pëlqeu ti e di vete , mund ta redaktosh, ashtu siç bënim me shkrimet e njeri tjetrit dikur tek ?Albania? .
Jam krenar për ty, miku im i shtrenjtë !
Tiranë me 19-11- 2015