E fundit!

15:50 Kronika

Tentoi të godasë me thikë efektivin e Rrugores dhe t'i marrë armën/ Vihet në pranga 38-vjeçari në Tiranë

Një 38-vjeçar është arrestuar ditën e sotme afër kthesës s...

Të gjithë deputetët e PS-së kundër Koço Kokëdhimës

22 Tetor 2015, 09:18, Aktualitet CNA

Pothuajse të gjithë deputetët e Partisë Socialiste kanë dalë kundër kërkesës së Koço Kokëdhimës për shtyrjen e konngresit të PS-së me dy muaj.

Deputeti Erion Braçe tha dje se njeh vetëm vendimet e Asamblesë dhe strukturave të Partisë.

?Unë nuk di të ketë ndonjë propozim për të ndryshuar datën e Kongresit, dhe e dyta, nuk ka asnjë vendim të forumit të partisë për të shtyrë këtë datë. Ne kemi bërë sot mbledhje për dy rajone, atë të Fierit dhe Beratit dhe natyrisht që jemi brenda afateve të vendosura nga Asambleja Kombëtare e Partisë Socialiste për të kapur kongresin në janar?, tha Braçe dje për mediat.

Të njëjtin qëndrim ka qenë edhe anëtarja tjetër e kryesisë së PS-së, Valentina Leskaj.

?Si mund të jap përgjigje për një propozim që s?e di? Unë nuk e di këtë propozim. S?di të ketë propozim zyrtar?, u përgjigj Leskaj.

Ndërsa deputeti Bashkim Fino është shprehur i befasuar nga një kërkesë e tillë.

?Sot e kam lexuar në gazetë. Jam befasuar. Sepse ai është një vendim i marrë nga Asambleja Kombëtare. Çdo njeri që do të bëjë propozim, le ta bëjë në Asamblenë Kombëtare në qoftë se do që të shtyhet kongresi. Të gjitha strukturat po punojnë në mënyrë intensive në qarqet qe jemi vendosur, me zgjedhjet e krerëve të partive të çdo njësie, dhe në qarkun ku unë jam, në Korçë, puna po ecën normalisht, dhe ata mezi po e presin kongresin në janar?, u shpreh Fino.

Ndërsa deputetja e Durrësit, Klodiana Spahiu ka theksuar se sa i përket zonës së saj elektorale, zgjedhjet kanë ecur sipas parashikimit dhe se ajo nuk shikon asnjë arsye se përse kongresi duhet të shtyhet.

?Në qytetin që unë përfaqësoj, zgjedhjet po shkojnë normalisht, kështu që mendoj se nuk ka asnjë nevojë për shtyrje të Kongresit?, tha Spahiu.

Edhe deputeti tjetër socialist, Gentian Bejko ka theksuar se ?Asambleja e PS-së e ka marrë vendimin e saj, dhe besoj se nuk ka më vend për diskutime?.