E fundit!

21:01 Aktualitet

Dita e 48 e protestës/ Thirrje për mobilizim përpara Kuvendit më 23 korrik

Protesta qytetare kundër qeverisë ka vijuar ditën e 48-të ...

Vokshi: Beqaj po përgatit tenderin e radhës për shërbim koncensionar

21 Tetor 2015, 21:00, Aktualitet CNA

Deputetja e Partisë Demokratike, Albana Vokshi ka vijuar akuzat ndaj Ministrit të Shëndetësisë Ilir Beqja.

Përmes një deklarate për shtyp nga selia blu, Vokshi tha se Ministri po përgatit tenderin e radhës për shërbim koncensionar.

Deklarata e plotë

Beqaj tha sot per here te pare nje te vertete. Ai tha se është ministër i sëmundjeve. Po!!!

Është ministri i sëmundjes madje kampioni i sëmundjes më të rëndë për një shtet dhe shoqëri demokratike. Është ministri kampion i korrupsionit dhe i grabitjes së taksave të qytetarëve shqiptarë.

Ministri hesht, edhe pse është në akuzë si përfitues direkt i fondeve publike që shkojne ne shumën e 11 milionë dollarëve.

Ministri hesht dhe nuk jep përgjigje pse kompania e tij INTECH+ në 22 muaj ka fituar 28 tendera me prokurim të drejtpërdrejtë, pa zhvilluar asnjë proces tenderi. 14 tendera ne 7 muajt e pare te vitit 2015. Dy tendera në muaj. Por nuk mbaron këtu. Ai ka përfituar miliona euro edhe nga nënkontraktime në këmbim të koncesioneve dhe tenderave korruptivë e abuzivë të dhënë prej tij klientëve dhe sponsorve të tij dhe të Ramës.

Ministri rri ende në zyrë ndërsa buxheti i shtetit kalon në llogarinë e tij personale, të kamufluar përmes kompanisë, që rrit fitimin e dukshëm për dy vite që ai mban postin ministrit, me 100 milion lekë të reja.

Deri kur do të vazhdojnë pazaret e Ministrit dhe Kryeministrit me jetën dhe shëndetin e shqiptarëve ?

– Me 11 milion dollarë fitime të kompanisë se Ministrit mund të ishin ndërtuar plot 450 qendra shëndetësore, anembanë Shqipërisë.
– Me 11 milion dollarë qe kane shkuar ne xhepat e Ministrit mund të ishin ngritur 15 shkolla moderne me standarde te larta.
– Me 11 milion dollarë mund të ishin furnizuar të gjitha spitalet dhe qendrat shëndetësore ne te gjithe vendin per nje vit te tere.
– Me 11 milion dollarë mund të ushqeheshin 184 mijë familje në nevojë, që ju i mohoni pensionin social

Ndërkohë seriali i skandaleve në shëndetësinë falas të Rama-Beqaj vazhdon. Reparti i oksigjenimit në QSUT po shkrihet, psikologët dhe punonjesit sociale po pushohen nga puna, reparti i trauma po zhvendoset në një ambient tjetër. Siç duket ministri po përgatit tenderin e radhës për shërbim koncensionar.

Mbi 40 punonjës të vetem nje reparti ne QSUT kanë marrë këto ditë fletëthirrjet për ndërprerjen e kontratave të punës. Sepse për këtë pushtet, për këtë qeveri, taktika e fshehjes së korrupsionit duhet të ecë paralel me kërcënimin e bukës së gojës.

Partia Demokratike i bën thirrje personelit mjekësor, që me përgjegjësi profesionale të denoncojnë abuzimet dhe të mos lejojnë krimet në shëndetësi.

Ministri i tenderave, Ilir Beqaj të japë dorëheqjen menjehere !

Partia Demokratike i bën thirrje prokurorisë të fillojë e të hetojë sa me pare të gjitha dosjet e korrupsionit në shëndetësi.