web counter
LEXO PA REKLAMA!

SHKARKO APP

App Store
Google Play

E fundit!

x

Basha i kërkon PPE-së ekip për të parë gjendjen në Shqipëri

21 Tetor 2015, 19:46, Aktualitet CNA

Kryetari i Partisë Demokratike Lulzim Basha është shprehur në Kongresin e Partive Popullore Europiane (EPP) se Shqipëria po përballet me një situatë të pazakontë prej aksioneve të ndërmarra nga qeveria Rama-Meta. Ai kërkoi një ekip të PPE-së në Shqipëri për të parë se çfarë po ndodh.

Fjala e kryetarit të Partisë Demokratike, Lulzim Basha në kongresin e Partisë Popullore Europiane

I dashur Presidenti Daul

I dashur kryeministri Rahoy

Zonja dhe zotërinj

Të nderuar kolegë

Dua të shpreh urimet e mia më të përzemërta presidentit Daul për rizgjedhjen e tij si kreu i familjes tonë politike dhe ti uroj atij dhe ekipit të ri vazhdimin e lidershipit të fortë e të mençur të kësaj force politike të fuqishme, Partisë Popullore Europiane.

Me një sens të madh kënaqësie dhe përgjegjësie Unë dhe delegacioni që drejtoj, ushtruam sot për hërë parë të drejtës së votës pas ngritjes së statusit të Partisë Demokratike të Shqipërisë në Partinë Popullore Europiane.

POR SOT UNE GJITHASHTU Dua të shpreh mirënjohjen TIME te thellë ndaj Joseph Daul për mbështetjen e tij të madhe qëi ka dhënë në të kaluarën si kreu i Grupit Parlamentar të PPE-së dhe aktualisht si Presidenti ynë, Partisë Demokratike dhe Shqipërisë në përpjektet tona të mëdha për demokraci, sundim të ligjit dhe në integrimin europian.

Gjithashtu, dua të falenderoj Sekretarin e Përgjithshëm Antonio Lopez-Isturiz dhe të gjithë ekipin për këtë përgatitje të shkëlqyer të këtij kongresi dhe po ashtu edhe ndaj mikëpritësit tonë, kryeministrin Rahoy dhe partinë simorër Partinë Popullore të Spanjës, të cilëve u uroj fitore në zgjedhjet e ardhshme.

Të dashur miq,

Shqipëria dhe shqiptarët po përballen me një situatë të jashtëzakonshme. Trafikantet e drogës, trafikantet e denuar te qenieve njerëzore si dhe pastrues parash kanë vene nen kontroll Parlamentin dhe qeverinë. Sot, janë ata që bëjnë ligjin duke përdorur dhe armët.

Prona publike, pasuri publike dhe fondet publike janë pervetesuar në mënyrë sistematike nga këta individë të cilët kryeministri aktual i promovoi dhe nominoi si anëtarë të parlamentit, kryetare bashkish dhe ne poste të larta drejtuese të administratës publike.

Vota e lirë ishte viktima e fundit e krimit. Raporti i OSBE/ODIHR-it për zgjedhjet e fundit lokale të mbajtura në Qershor raporton se është cënuar rëndë liria e votës në Shqipëri.

Fundvitin e kaluar me ndihmën e Presidentit Daul dhe Parlamentit Europian, u arrit një marrëveshje politike mes qeverisë dhe opozitës për të larguar nga parlamenti, qeveria dhe qeverisja lokale të gjithë individët me rekorde të tmerrshme kriminale.

Fatkeqësisht, deri tani, qeveria ka ndalur zbatimin e kësaj marrëveshje dhe e ka përkeqësuar situaten duke kandiduar më shumë njerëz me rekorde kriminale për kryetar bashkie dhe emruar qindra te tjere në pozicione të rëndësishme.

Kapja kriminale e shtetit dhe korrupsioni i jashtëzakonshëm kanë minuar demokracinë dhe sundimin e ligjit duke sjelle pasoja tejet të rënda për qytetarët shqiptarë.

Rreth 38 mijë shqiptarë janë shoqeruar, arrestuar dhe burgosur këto dy vitet e fundit, nje numer me i larte se gjatë kohës së diktaturës komuniste.

Rreth 9 mijë punonjës civil të administratës janë larguar ne kundershtim me ligjin nga puna.

Më shumë se 10 mijë ndërtesa dhe biznese u rrafshuan dhe shkaterruan pa asnjë proces ligjor të rregullt.

Mijëra biznese janë subjekte të gjobave, inspektimeve dhe indimidimeve arbitrare dhe selektive, thuajse të përditshme nga zyrtarë brutalë e të korruptuar, ndërkohë qe të ardhurat publike janë në rënie të vazhdueshme për shkak të korrupsionit si dhe rritjes së kontrabandës dhe evazionit fiskal nga oligarkë të lidhur direkt me krerët e qeverisë socialiste, Edi Rama dhe Ilir Meta.

Me vjen keq që risjell ne vëmëndjen tuaj faktin se numri i azilkerkuesve nga shqiptaria gjate gjuthe ketij viti ka qenenthuajse i barabarte më numrin e azilantevë sirian sipas të dhënave të autoriteteve gjermane.

Ndersa në vitet e qeverisjes së Partisë Demokratike 2011-2012, numri total i raportuar te azilkerkuesve shqiptarë në Gjermani ishte 432 ndërsa vetëm në shtator të këtij viti janë 8200 aplikime për azil të plotësuara nga shqiptarët. Numri total i azil kerkueave shqiptarë në 8 muajt e fundit është tashme mbi 80 mijë.

I kërkoj këtij kongresi, lidershipit tone të porsazgjedhur të Partisë Popullore Europiane dhe seiciles prej partive simotra e në veçanti ato që janë në qeverisje që të sillni ekipet tuaja në Shqipëri për të parë nga afër e për kuptuar arsyet reale të kësaj situate të paprecedentë si dhe të sfidave të mëdha që kërcënojnë demokracinë tonë, sundimin e ligjit dhë të ardhmen europiane të Shqipërisë.

Ju siguroj për angazhim tim personal dhe të Partisë Demokratike dhe të një gjenerate të tërë te re shqiptarësh se do te qendrojme dhe luftojme me vendosmëri të madhe për vlerat e mëdha qe misheron kjo familje e madhe politike.

Dhe une ju kërkoj të gjithëve te bashkoni forcat dhe të na mbështesni në kauzën tonë për dekriminalizimin e parlamentit, qeverisë dhe administratës lokale si një parakusht për të luftuar krimin dhe korrupsionin per të rivendosur demokracine e sundimin ligjit, dhe për të pastruar edhe njëherë rrugën Europiane të Shqipërisë.





Lajmet e fundit nga