E fundit!

21:01 Aktualitet

Dita e 48 e protestës/ Thirrje për mobilizim përpara Kuvendit më 23 korrik

Protesta qytetare kundër qeverisë ka vijuar ditën e 48-të ...

Koço Kokëdhima-Gramoz Ruçi, lufta për Sekretarin e Përgjithshëm në PS

22 Tetor 2015, 09:11, Aktualitet CNA

Zgjerimi i influencave, pushtetit, kompetencave dhe territoreve politike nga deputeti Koço Kokëdhima, sigurisht, me një shkelje syri dhe miratimin në heshtje të Edi Ramës, e ka kthyer Partinë Socialiste në një fole grerëzash. Pas kryengritjes së fundit masive kundër Koço Kokëdhimës, sherreve në sy të Edi Ramës, tensioneve dhe përbetimeve, duket se fshihet një ambicie e fshehur politike e deputetit Koço Kokëdhima, i quajtur ndryshe si Pashai i Jugut, superdeputeti dhe kryeministri në hije.

Ambicia e maskuar e Koço Kokëdhimës lidhet me synimin për t?u katapultuar në postin e Sekretarit të Përgjithshëm të Partisë Socialiste, post ky të cilin e ka mbajtur gjithmonë dhe po e mban Gramoz Ruçi. Gramoz Ruçi është aktualisht kryetar i Grupit Parlamentar të Partisë Socialiste, Sekretar i Përgjithshëm dhe Kryetar i Asamblesë Kombëtare të Partisë Socialiste. Por, si mos t?i mjaftonin komanda e plotë në Jug të vendit, influenca në tenderat e rrugëve, dora në punësime etj., Koço Kokëdhima mësohet se po tenton t?i zërë vendin Gramoz Ruçit në Partinë Socialiste.

Burime pranë selisë rozë, të konfirmuara edhe nga rrethi i deputetëve, të cilët janë përfshirë në debate ditët e fundit, kanë bërë me dije se Koço Kokëdhima ka nisur lëvizjet lobuese, për t?u katapultuar në vend të Gramoz Ruçit, për t?u konfirmuar zyrtarisht numri dy i Partisë Socialiste. Propozimi për të shtyrë mbledhjen e Kongresit të Partisë Socialiste nuk lidhet thjeshtë me planin e Edi Ramës për të shmangur garën dhe rivalitetin me Ben Blushin për kreun e partisë, por ky propozim, i shërben edhe ambicies së Kokëdhimës, për t?u ngjitur në postet më të larta të PS. Me shtyrjen e mbledhjes së Kongresit, Kokëdhima fiton kohë për të siguruar votat si dhe për të krijuar terrenin, që do t?i mundësonte rrëzimin e Gramoz Ruçit. Ky është momenti ideal për superdeputetin. Partia Socialiste është përfshirë në një proces zgjedhor. Zgjedhjeve do t?i nënshtrohen që nga organizatat bazë deri tek postet më të larta drejtuese, me përjashtim të kryetarit, për mandatin e të cilit ka një debat të hapur. –