web counter
LEXO PA REKLAMA!

SHKARKO APP

App Store
Google Play

E fundit!

x

Mirditë, ja kush është i zgjedhuri i socialistëve, që u kap me drogë

22 Tetor 2015, 09:33, Aktualitet CNA

Administratori i njësisë administrative të Kaçinarit në Bashkinë e Mirditës, Petrit Bardhi, jeton në Xarë të Sarandës. Ai u shpall në kërkim nga policia bashkë me vëllain e tij për kultivimin e 424 kilogram lëndë narkotike kanabis sativa.

Vëllezërit Bardhi janë nga Kaçinari i Mirditës, por në vitet ?97 u larguan drejt Sarandës. Në vitin 2011, Petrit Bardhi u kthye sërish në vendlindje duke kandiduar për kreun e Komunës Kaçinar ku arriti të fitojë mandatin katërvjeçar me siglën e PS-së.
Në zgjedhjet e fundit ai ishte sërish aktiv në fushatë me kandidatin e majtë për Bashkinë Mirditë, Ndrec Dedaj, i cili arriti që të fitojë mandatin, duke e lënë sërish Petrit Bardhin në postin e administratorit të Kaçinarit.
Edhe më 18 maj të këtij viti, Petrit Bardhi pati një incident me policinë e Tiranës ku u shoqërua për disa orë për një armë zjarri që iu gjet atij në makinë. Por ai u la i lirë, pasi rezultoi se armën e kishte me leje.

Droga u gjet brenda një banese, e cila ishte në pronësi të shtetasit Simon Beqiri, 64 vjeç, banues në Lezhë.
Sipas policisë Petrit Bardhi, ka qenë i dënuar më parë për ?dhënie ndihme për kalim të paligjshëm të kufiri Ai arriti të largohej pasi njihte mire terrenin sipas policisë.

Droga, sipas policisë po përgatitej për ambalazhim dhe trafikim drejt Sarandës, nga ku më pas destinacioni ishte shteti fqinj, Greqia.
Gjatë kontrolleve u gjetën edhe një peshore elektronike që shërbente për peshimin e drogës, thasë plastikë që do të shërbenin për paketimin, pasaporte biometrike në emër të Florian Bardhit, dokumentacioni i automjetit me targë AA 519 JZ, si dhe pajise të tjera të gjetura në banesë.

Policia ka dyshime se në këtë rrjet droge janë të përfshirë edhe persona të tjerë të fshatit Simon, të cilët mund të jenë paguar nga vëllezërit për kultivimin. /lapsi.al





Lajmet e fundit nga