Trafiku i fëmijëve / Shqiptarët të dytët në Britaninë e Madhe

18 Tetor 2015, 08:26, Aktualitet CNA

Për vite me radhë Greqia ka qenë destinacioni kryesor i fëmijëve shqiptarë të trafikuar jashtë vendit. Grupet kriminale i shfrytëzonin për prostitucion, krime, për të kërkuar lëmoshë apo për punë të detyruar. Sot destinacioni i ri i të miturve shqiptarë është Britania e Madhe. Autoritetet japin alarmin se numri i fëmijëve shqiptarë të trafikuar në këtë vend është gjithnjë e në rritje dhe po kap shifra alarmante. Fëmijët shqiptarë të trafikuar janë të dytët në Britaninë e Madhe dhe po arrijnë numrin e fëmijëve vietnamezë. Të dhënat tregojnë së përpara se të mbërrinin në Britaninë e Madhe ata janë shfrytëzuar edhe në Shqipëri. Një sistem i ri është ngritur në Angli për t?u ardhur në ndihmë. Ai u ofron mbrojtje dhe asistencë ligjore fëmijëve për t?i shkëputur nga rrjeti i bandave të krimit të organizuar.

Një sistemi i ri për të mbrojtur fëmijët e trafikuar tregon se rritjen alarmante të numrit të fëmijëve shqiptarë që janë trafikuar në Britaninë e Madhe.

Nëse ky trend ? i vënë në dukje në Ditën kundër Skllavërimit ? do të vazhdojë, shqiptarët mund të kalojnë së shpejti numrin e vietnamezëve të trafikuar në Britani, të cilët përbëjnë grupin e të miturve më të shfrytëzuar në këtë vend.

?Të dhënat tregojnë se një numër në rritje i fëmijëve nga ish ?vendi komunist po mbërrin në Mbretërinë e Bashkuar, shpesh në mënyrë vulletare, përfundojnë duke u shfrytëzuar?, shkruan gazeta The Guardian.

?Gjatë vitit të shkuar ka patur një rritje të numrit të fëmijëve të trafikuar nga Shqipëria, të cilët ne i mbështesin me anë të shërbimit tonë?, thotë Javed Khan, shefi ekzekutiv i qendrës së bamirësisë Barnardo, që është pjesë e sistemit të ngritur nga autoritetet britanike për t?u ardhur në ndihmë të miturve të trafikuar.

Ai shprehet se disa nga këta fëmijë janë përdorur për punë të detyruar, shpesh në ndërtim, por shumica janë shfrytëzuar për aktivitete kriminale.

?Ne besojmë se ata janë shfrytëzuar më parë brenda vendit të tyre, përpara se të mbërrinin këtu. Ne e dimë që ata kanë përjetuar trauma?, thotë Khan.

Ministria e Brendshme vlerëosn se 13 000 persona janë viktima të skllavërisë në Mbretërinë e Bashkuar. Megjithatë, numri i vërtetë i fëmijëve të shfrytëzuar ndoshta është dukshëm më i lartë. Javed Khan thotë se numri zyrtar i fëmijëve të trafikuar është vetëm maja e ajsbergut.

Qendra Barnardo u jep edhe ndihmë avokatore fëmijëve t trafikuar për t?i mbrojtur q ëtë bien sërish në duart e bandave të krimit të organizuar.

Shumica e fëmijëve të ndihmuar prej saj janë të moshave 15 dhe 17 vjeç. Ata kanë pranuar se janë kërcënuar në forma të ndryshme nga shfrytëzuesit. Kërcënimet kanë patur të bëjnë edhe me jetën e familjarëve.

Nga të dhënat paraprake të një projekti pilot që po zbatohet në 3 rajone të Britanisë së Madhe rezulton se fëmijët shqiptarë të trafikuar përbëjnë një të katërtën e të gjithë fëmijëve të ndihmuar nga shërbimi i ri që është ngritur për t?u ardhur atyre në ndihmë.

Shqiptarët janë të dytët në numër, pas vjetnamezëve ? të detyruar të punojnë në plantacionet me kanabis ? dhe përbëjnë 30 % të rasteve të identifikuara nga Barnardo.

5 vjet më parë fëmijët shqiptarë nuk njiheshin si grup në rrezik trafikimi në Britaninë e Madhe. Shumica e fëmijëve që detyrohen të punojnë si skllevër në Britaninë e Madhe vijnë nga Vjetnami, me 31 %, Rumania 16 %, Maroku 16 % dhe Nigeria 13 %.

Një e treta e fëmijëve të ndihmuar nga Barnardo kanë qenë pre e shfrytëzimit për qëllime seksuale, ndërsa dy e pesta e tyre kanë qenë subjekt i punës së detyruar. 1 në 10 fëmijë është përdorur si shërbyes shtëpiak, ndërsa 5 % kanë qenë të detyruar të lypin apo për të kryer krime të vogla.

Në dy vitet e fundit policia ka arrestuar një numër të madh shqiptarësh që vijnë në Britaninë e Madhe me kamionë.

Një raport i vitit 2010 tregon se ?në vitin 2007 Greqia ka qenë destinacioni kryesor i fëmijëve të trafikuar nga Shqipëria apo që kanë kaluar tranzit nga Shqipëria.?

Trafikantët përdorin kryesisht rrugët tokësore dhe dokumente të falsifikuara për të dërguar viktimat e tyre përtej kufijve. Rrëmbimi dhe mashtrim i grave dhe vajzave të reja për shfrytëzim prostitucioni mbetet metoda kryesore e ?rekrutimit? që përdorin trafikantët. / The Guardian ? Lapsi.al/