Belind Këlliçi shpall kandidaturen për kreun e FRPD/ Ti japim zë dhe shpresë të rinjve

17 Tetor 2015, 14:28, Aktualitet CNA

Belind Këlliçi, shpall kandidaturën për kryetar të Forumit Rinor të Partisë Demokratike. Në një postim në faqen e tij Këlliçi thotë: ?Të nderuar miq, anëtarë të Forumit Rinor të Partisë Demokratike dhe ju që do ti bashkoheni në ditët në vijim këtij forumi. Siç e dini tashmë Forumi Rinor ka nisur garën për kryetarin e ri të saj. Nga dita e sotme, kam privilegjin e madh dhe përgjegjësinë të nis garën për kryetar me një mision të qartë: Ti japim zë të rinjve, ti japim shpresë, e së bashku një kontribut të madh në krah të PD për të ndërtuar të ardhmen që meriton vendi. Në Forumin Rinor të gjithë do kemi një votë e ajo votë është e barabartë sot në zgjedhjen e lidershipit, e do të jetë nesër me mua në vendimmarrjen e tij. Askush nuk është i tepërt, por të gjithë janë të domosdoshëm në këtë bashkim energjish, zemrash e kontributesh. E di që është një përgjegjësi e madhe pasi të rinjtë janë zemra e PD por unë nuk do të rresht për asnjë çast së punuari me secilin prej jush, që kjo zemër të rrahë sa më fort e të jehojë sa me fuqishëm, ashtu siç 25 vite me parë të rinjtë u vunë në ballë të lëvizjes për liri e demokraci. Sot të rinjtë duhet të jenë në pararojë të aksionit politik për të rikthyer në këtë vend vlerat dhe standardet demokratike që janë shkelur rëndë gjatë këtyre dy viteve. Sot dorëzoj mandatin e anëtarit të kryesisë së PDSH, për të hyrë i barabartë në garë me çdo të ri që aspiron ti bashkohet këtij udhëtimi kaq të bukur dhe energjik. Falenderoj të gjithë mbështetësit e mi që më inkurajuan në këtë vendimmarrje dhe ftoj çdo të ri që dëshiron të japë kontributin e tij në këtë proces, që ti bashkohet ekipit tim të punës, i cili do të bëhet publik për të gjithë ju në ditët në vijim.?

Duket se Këlliçi ka mbështetje të gjerë nga kreu demokrat Lulzim Basha, brenda drejtuesve te PD-së dhe të rinjve të FRPD. Sot 28 vjeçari është anëtar i Kryesisë së Partisë Demokratike, pozicion që e ka arritur me shumë punë e përkushtim, duke u rritur në karierën politike falë meritave dhe kontributit. Rrugëtimin në PD Belind Këlliçi e ka nisur shumë herët, si anëtar i Forumit Rinor të Partisë Demokratike, anëtar i thjeshtë i PD-së duke u zgjedhur më pas anëtar i kryesisë së seksionit, i kryesisë së grupseksionit Dega 10, anëtar i Këshillit Kombëtar të PD. Në tetor 2014 Kryetari Lulzim Basha e emëroi Koordinator Kombëtar ndërsa nga nëntori i vjetshëm ushtron detyrën e Drejtorit të Departamentit të ish të Përndjekurve dhe Pronarëve në Partinë Demokratike. Kjo karierë dhe përkushtim nuk është rastësi. Familjarisht, prindërit dhe trungu familjar i Belindit janë anëtarë të PD-së që në vitin 1991. Stërgjyshi, Masar Këlliçi ka qenë deputet i Partisë Popullore që në parlamentin e parë shqiptar, në vitin 1921 dhe është zgjedhur deputet i Tiranes dhe Durresit për dy mandate, ndërsa vëllai i Masarit, Mytezimi, ka ngritur flamurin e Pavarësisë ne nëntor 1912 në Durrës dhe ka qenë senator në Kongresin e Lushnjes ne 1920. Vete Belindi është shkolluar në SHBA ku është diplomuar për shkenca menaxhimi dhe ekonomiks, me vleresimin “Summa Cum Laude”, “Me Nderimet me te Larta” dhe ne perfundim te studimeve eshte shpallur “Student with the highest GPA at graduation”, “Studenti me mesataren me te larte ne diplomim”. Në Shqipëri ka qenë kampion Kombëtar tenisi pë moshat deri 16 vjeç, duke perfaqesuar Shqiperine ne disa turne ne Europe, ndërsa në SHBA ka përfaqësuar universitetin e tij në këtë sport në Divizionin e parë per universitetet, MEAC (Mid Eastern Athletic Conference). Gjate shkolles se mesme, Belindi ka qene edhe President i qeverise studentore te shkolles Harry Fultz.