web counter
LEXO PA REKLAMA!

SHKARKO APP

App Store
Google Play

“Lule te varri i Enverit dhe një raki në shtëpinë e Nexhmijes”, Shekulli i Koços përkujton ditëlindjen e Enver Hoxhës

17 Tetor 2015, 10:18, Aktualitet CNA

?Lule te varri i Enverit dhe një raki në shtëpinë e Nexhmijes?, ky është titulli të cilin gazeta Shekulli e deputetit Koço Kokëdhima e ka në ballinë.

Ai përkujton ditëlindjen e diktatorit Hoxha me një reportazh të gjatë.

Pas vizitës në varreza reportazhi vazhdon në shtëpinë e Nexhmijes ku tregohen bëmat dhe të mirat që Enver Hoxha ka bërë gjatë regjimit të tij.

?Përpikmëria është e pashoqe. Nuk kanë nevojë për telefon për t?u organizuar. Ora 9 i kapi tek e famshmja kafe ?Flora?. Ndoshta për të zakonshmit ky vend mund të ishte thjesht një pikë takimi, ndërsa për ta e ka një domethënie, sepse është kafeneja e famshme ku ruajnë sa e sa kujtime, sepse është vendi ku ?punoi? Enver Hoxha. Mbase kanë ?alergji? nga makinat dhe si gjithmonë janë besnik të transportit publik. Ashtu të kollarisur, kush me lule në dorë dhe kush me fytyrën e idhullit të tyre të stampuar tek cepi i xhaketës nisen për në strehën e fundit. ?Kam ardh prej Tropoje për të kujtuar shokun Enver?, thotë dikush që mosha e ka bërë të ruajë më shumë kujtime sesa të interesohet për realitetin e kohës. Nuk kanë dëshirë ta fshehin që po shkojnë të kujtojnë ditën e lindjes së shokut Enver, ndërsa ka nga ata që me këtë rast i shkojnë për kujtim dhe bashkëshortes që ka nderuar jetë.?, nis reportazhi.

Më tej shkrimi flet për pritjen në shtëpinë e Nexhmijes, vizitën në varreza, kërkesën për ngritjen e një busti në Gjirokastër për diktatorin, duke harruar dy dekada ëm parë shqiptarët e rrëzuan me forcë bustin e tij në qendër të Tiranës.

Shkrimi mbyllet me statusin e Rezarta Shkurtës për diktatorin ?Ti ishe një luan dhe sa e deshe ti Shqipërinë askush nuk e do?./a.l

 

 

 

 

 





Lajmet e fundit nga