web counter
LEXO PA REKLAMA!

SHKARKO APP

App Store
Google Play

Socialistët e Dibres-Matit-Klosit,  ankohen për koalicionin me LSI-në

18 Tetor 2015, 08:16, Aktualitet CNA

Partia Socialiste e qarkut Dibër ka zhvilluar një takim me strukturat e saj, nën drejtimin e koordinatorëve të PS­-së, ministres së Arsimit, Lindita Nikolla dhe ministrit të Financave, Shkëlqim Cani.

Në këtë takim morën pjesë dhe struktura të PS­-së së bashkive Mat dhe Klos.

Pjesë e diskutimit ka qenë dhe bashkimi i votave mes LSI-­së dhe PD-së në zgjedhjen e kryetarit të Këshillit të Qarkut të Matit, të cilën kreu i PS­-së së rrethit të Matit, Agron Malaj, e ka quajtur si shkarje të koalicionit.

Malaj është shprehur para dy koordinatorëve se disa institucione në Mat drejtohen ende nga militantët e PD­-së, ndërkohë që LSI nuk ka zbatuar me ndershmëri marrëveshjen me PS­-në.

Shqetësimit të kryetarit të PS-­së Mat për mosmarrëveshjet PS-­LSI nuk iu përgjigjën as Nikolla dhe as Cani, megjithëse këtë shqetësim e ngritën edhe shumë nga pjesëmarrësit në këtë takim politik.

?Takimet tona politike, nuk duhet të nisin dhe mbarojnë me punësimet. Në shumë raste reforma keqkuptohet. Disa e lidhin atë vetëm me punësimet e reja. Por ajo duhet konceptuar më gjerë. Ne duhet të jemi të interesuar sa u shërbejmë qytetarëve në sektorin e arsimit, shëndetësisë dhe sektorë të tjerë. Ka shumë rëndësi që ne të mos bëhemi vetëm zëdhënës të problemeve, por të punojmë fort për zgjidhjen e tyre?, u shpreh Nikolla.

 





Lajmet e fundit nga