E fundit!

12:44 Politikë

Skana gozhdon Gjonin: Deputeti part time që i qan zemra për Mirditën, po deformon realitetin

Zëvendësministrja e Mbrojtjes, Pranvera Skana, i është për...

PD, Bogdani: Rama bllokon dekriminalizimin

13 Tetor 2015, 10:17, Aktualitet CNA

PD ka vazhduar akuzat ndaj kryeministrit, Edi Rama për bllokimin e dekriminailizimit.

Deputeti, Gert Bogdani nga selia tha se Rama është i vendosur të përdorë cdo mjet të nevojshëm për të ia arritur kësaj.

Akuzat e tij kanë qenë të drejtuara edhe për dy kryebashkiakët, Veliaj dhe Dako.

Shkrimi i plotë:

?Edi Rama është i vendosur të bllokojë dekriminalizimin me cdo mjet e mundësi që ka në dorë.

Rastet që ai ka për të treguar vullnet, vazhdojne te shërbejnë si shembuj vendosmërie dhe këmbëngulje për të për të bashkjetuar me krimin, sepse eshte ai që i ka hapur dyert krimit dhe i ka bërë sot pjesë të parlamentit dhe qeverisjes.

Prej 6 muajsh, deputeti Mark Frroku mungon në parlament për shkak se ka hesape për të mbyllur me drejtësinë belge. Por megjithatë, Edi Rama ia ruan me fanatizëm mandatin në Kuvend. Kaq mund të bëjë, po të kishte në dorë drejtësinë belge me siguri do bënte edhe më shumë. E fshehu kërkesën e interpolit dy herë për deputetin dhe aleatin e tij, në këmbim të zgjedhjeve në Pukë, në këmbim të manipulimkit të procesit ndaj Ilir Metës.

Po kështu, i zgjedhuri i tij Arben Ndoka, edhe pse deklaroi se e dorëzoi mandatin, sërish rezulton deputet. Asnjë shenjë nga Edi Rama për ta larguar nga radhët e tij, sepse për me tepër nuk ka as me ke ta zevendesoje, deputeti i radhes i Edi Ramës është gjithashtu i dënuar nga gjykata.

Dhe këto, pavaresisht denoncimeve edhe nga Departamenti i Shtetit.

Ndërkaq, dy prej të emëruarve të tij, ky në krye të Tiranës dhe ai i Durrësit po inkriminojnë me shpejtësi pushtetin lokal.

Veliaj ka caktuar drejtorë të rëndësishëm në Ujësjellës dhe tek Tatimet, autorë të plagosjeve të rënda. Asnjë reflektim, edhe pse ne i denoncuam publikisht dhe me prova. Asnje reflektim, edhe pse Tirana ka plot të rinj dhe intelektualë, Veliaj zgjedh njerëz të inkriminuar që t?i sherbejnë atij çdo ditë dhe jo qytetarëve.

Dako i Durrësit ka shkuar edhe më larg. Ai ka emëruar administrator të Sukthit, një njeri me precedent të tmerrshëm kriminalë dhe pikërisht personin që gjatë fushatës së zgjedhjeve goditi dhe plagosi aktivistë të PD-së.

Të gjitha këto po ndodhin me frymëzimin e Edi Ramës, i cili ka bllokuar dekriminalizimin dhe po mbjell inkriminime të reja kudo ku jepet rasti.

Partia Demokratike është e vendosur dhe do ta çojë deri në fund këtë proces. Do apo nuk do Edi Rama. Kriminelët nuk do të kenë të ardhme, nuk do të kenë poste e vendimmarrje. Nuk do të kenë dhe nuk duhet të kenë në dorë fatin e qytetarëve.