web counter
LEXO PA REKLAMA!

SHKARKO APP

App Store
Google Play

E fundit!

x

Koço Kokëdhima drejt përjashtimit nga Parlamenti

13 Tetor 2015, 09:03, Aktualitet CNA

Shumë shpejt Gjykata Kushtetuese do të vendosë nëse deputeti socialist, Koço Kokëdhima, do të humbasë mandatin. Në muajin maj, Partia Demokratike bëri një ankimim në Gjykatën Kushtetuese, ku kërkoi heqjen e mandatit të deputetit, me argumentin se ka përfituar fonde publike. Gjykata Kushtetuese e ka përfshirë në rend të diskutimit këtë çështje, dhe në datën 28 tetor do të zhvillohet seanca e parë, ku mbetet të shihet nëse do të pranohet kërkesa e Partisë Demokratike.

Ankimimi i demokratëve erdhi për shkak se Këshilli i Mandateve dhe Imunitetit në Kuvend, nuk e pranoi kërkesën e tyre për t?i kërkuar Gjykatës Kushtetuese heqjen e mandatit. Për këtë arsye, një e pesta e deputetëve të selisë blu iu drejtuan vetë gjykatës, ku kanë paraqitur tre kërkesa. Kërkesa e parë është kundërshtimi i vendimit nr. 48/2015 të Kuvendit të Shqipërisë ?Për mosdërgimin në Gjykatën Kushtetuese të çështjes për konstatimin e papajtueshmërisë me detyrën e deputetit të zotit Koço Kokëdhima? dhe konstatimin e antikushtetutshmërisë së këtij vendimi. Kërkesa e dytë është heqja e mandatit për deputetin, pasi demokratë e cilësojnë si në kundërshtim me ligjin. Ndërsa kërkesa e tretë e tyre është interpretimi i nenit 70 të Kushtetutës. Demokratët janë shprehur në ankimimin e tyre se, Kokëdhima ka shkelur pikërisht pikën ?3? të nenit 70 të Kushtetutës, në të cilën thuhet se deputetët nuk mund të kryejnë asnjë veprimtari fitimprurëse që buron nga pasuria e shtetit ose e pushtetit vendor dhe as të fitojnë pasuri të këtyre.





Lajmet e fundit nga