E fundit!

12:44 Politikë

Skana gozhdon Gjonin: Deputeti part time që i qan zemra për Mirditën, po deformon realitetin

Zëvendësministrja e Mbrojtjes, Pranvera Skana, i është për...

Tre vite burg për kuponin tatimor

13 Tetor 2015, 08:15, Aktualitet CNA

Qeveria që prodhuan zgjedhjet e 23 Qershorit 2013, në fillim të vitit të tretë të mandatit të parë, po rreket të hedhë një hap të frikshëm drejt diktaturës, represionit dhe arbitraritetit të ligjëruar. Kryqëzata kundër biznesit po mjegullohet me një propagandë të shfrenuar, duke kamufluar me luftën kundër kontrabandës, vjedhjes dhe evazionit.

Konkretisht, Edi Rama po tenton që, me anë të Parlamentit, të kriminalizojë sipërmarrjen e lirë, të të bërit biznes dhe ekonominë e tregut. Kush është njohur me paketën e masave penale, që qeveria ka çuar në Kuvend, nuk do ta konsiderojë kurrsesi të tepruar konstatimin e tendencës së qeverisë për kriminalizimin e biznesit. Qeveria ?Rama?, i ka kërkuar Parlamentit Shqiptar kriminalizimin e disa kundravajtjeve administrative, duke e orientuar Shqipërinë drejt kthimit tek modeli ekonomik enverist, shkruan gazeta sot

Përpos kontrabandistëve të mëdhenj, klientë të qeverisë, askush nuk është kundra ndëshkimit të evazionit, kontrabandës dhe vjedhjes. Por, masat e reja të qeverisë ngrenë disa pikëpyetje. Së pari, paketa penale, gjithnjë nëse do të miratohet nga Parlamenti, u jep fuqi të madhe disa taksidarëve, të cilët paguajnë 10-15 milionë lekë për të hyrë në punë, me qëllim që të bëjnë 100-150 milionë lekë brenda vitit.

Disa pika të paketës, sidomos masat për kuponin tatimor, hapin një fushë subjektiviteti dhe mori interpretimesh deri në komedi. Nëse masat do të zbatohen në Shqipëri, në një kohë të shkurtër, nuk do të mbetet qoftë edhe një biznes, por do të ketë vetëm taksidarë. Bizneset, pavarësisht raportit me ligjin, do të shpallen zona krimi. Biznesmenët, pavarësisht korrektësisë me ligjin, do të shkojnë në burg. Të bërit biznes do të jetë ekuivalente me të kultivuarit e bimëve të paligjshme. Një katastrofë e tillë është paralajmëruar edhe nga deputetët gjatë shqyrtimit të paketës në komisionet parlamentare. Absolutisht ka një frymë mbështetëse për kriminalizimin e kontrabandës, por masat për kuponin, mosdeklarimin e punonjësve etj., mund të rrokullisin vendin drejt kolapsit dhe konflikteve sociale.

Paketa penale
Pas gropës së zezë në buxhet, për shkak të vjedhjes në dogana dhe tatime, qeveria ?Rama? ka çoi në Parlament dy paketa ligjore kundër informalitetit. Paketa e parë parashikonte ashpërsimin e masave administrative me gjobë për disa kundravajtje administrative gjatë ushtrimit të aktivitetit tregtar. Paketa e parë, u korrektua nga deputetë dhe u votua. Ndërkaq, Rama çoi në Kuvend edhe një paketë tjetër, me masa penale, duke kriminalizuar disa shkelje administrative. Paketa e dytë përmban 20 nene. Masat e reja parashikojnë tre vjet burg për bizneset që nuk lëshojnë kuponin tatimor. Tre vjet burg për bizneset që nuk deklarojnë punonjësit. Shtatë vjet burg për tatimorët që nuk vjelin taksat. /sot