E fundit!

19:54 Aktualitet

"Na kanë shkelur, nuk i falim lotët e rinisë"/ Protestë në Korçë kundër qeverisë

Protesta qytetare kundër qeverisë ka vijuar këtë të shtunë...

Crown Agents akuza doganave për korrupsion dhe evazion

13 Tetor 2015, 09:06, Aktualitet CNA

Crown Agents, kompania e kontraktuar nga qeveria shqiptare për auditimin e doganave shqiptare për një periudhë 2 vjeçare, konfirmon se është drejt largimit nga Shqipëria, për t?ia lënë vendin një tjetër kompanie konsulente nga Gjeorgjia. Crown Agents pranoi dje publikisht se përfaqësues të saj ishin takuar me pasardhësit e ?Reformatics?, të cilëve u është ofruar dhe ndihma e nevojshme. ?Ne gëzojmë shumë respekt për Reformatics dhe këshilltarët e tyre dhe i kemi ndihmuar me dëshirën tonë gjatë vizitës së tyre të parë në Shqipëri. Ne po ndajmë me ta sa më shumë informacion që të jetë e mundur për t?i ndihmuar në punën e tyre dhe mirëpresim eksperiencën e çmuar që ata kanë në reformimin e doganave dhe tatimeve. Gjatë fundjavës ne u takuam me Këshilltarin e Reformatics për Doganat dhe besojmë se ishim plotësisht dakord për sa i përket shumë prej çështjeve që duhen adresuar?, njofton kompania Crown Agents. Por, pse po largohet Crown Agents, në një kohë kur kontrata e nënshkruar më 10 shkurt të 2014, me një afat 2 vjeçar përfundon zyrtarisht në fund të muajit shkurt të 2016? Ministri i Financave, Shkëlqim Cani deklaroi pak kohë më parë pakënaqësinë e qeverisë në lidhje me performancën e kësaj kompanie, ndërsa kjo e fundit ka vendosur të japë tashmë shpjegimet e saj, duke akuzuar drejtpërdrejt Doganat Shqiptare, se i gjeti në paaftësi dhe korrupsion e po i lë në të njëjtën gjendje. Ndërsa deklaron shifra tronditëse mbi evazionin që bëhet në dogana, Crown Agents pohon gjithashtu konstatimin e korrupsionit të lartë dhe shkallën e zbulueshmërie në nivele minimale nga ky institucion.

Evazioni në dogana

Në një njoftim për mediat, kompania Crown Agents bën me dije se gjatë 20 muajve të parë të programit të saj ka identifikuar mbi 3.500 raste evazioni fiskal apo lloje të tjera mashtrimesh në Dogana, çka do të thotë mbi 180 raste çdo muaj. ?Vetëm në 8 muajt e fundit, ne kemi identifikuar minimalisht 13 milionë euro të ardhura, të cilat në të kundërt nuk do të ishin mbledhur dhe nëse disa prej shkeljeve të rënda do të hetohen siç duhet, kjo shifër mund të dyfishohet shumë lehtë brenda fundit të këtij viti. Bëhet fjalë për para të prekshme, të cilat në vetvete përbëjnë një kthim shumë të mirë të investimit të bërë në kontratën tonë. Kjo është arritur përmes vetëm 8 grupe operative?, thuhet në njoftimin zyrtar të Crown Agents. Po sipas kësaj kompanie, përsa i përket zbatimit të ligjit, shkalla e zbulueshmërisë së grupeve të saj është 25%, krahasuar me 1%-in e stafit të administratës doganore përgjegjës për kufijtë dhe zbatimin e ligjit.

?Ky është një tregues i qartë i nivelit të vazhdueshëm të moszbatimit të ligjit nga ana e tregtarëve, si edhe i profesionalizmit dhe punës së palodhur të ekipit të Crown Agents në Shqipëri. Kur metodologjia e punës së grupeve operative të Crown Agents do të aplikohet në të gjithë administratën doganore, impakti në nivelin e mbledhjes së të ardhurave do të jetë më i qartë?, vijon Crown Agents. Më tej, kompania flet dhe për korrupsionin në dogana, i cili duket se vazhdon të jetë mjaft problematik. ?Ne kemi identifikuar gjithashtu 80 raste të verifikuara korrupsioni dhe shpërdorimi brenda doganave, si edhe kemi mbështetur administratën doganore për procedimin disiplinor dhe shkarkimin nga detyra të këtyre individëve?, nënvizon Crown Agents, e cila ka bërë mbi 50 rekomandime specifike gjatë vitit të parë, të cilat kanë pasur të bëjnë me organizimin dhe menaxhimin, masat për rritjen e mbledhjes së të ardhurave, masat për uljen e korrupsionit, si edhe masat për përmirësimin e mjedisit të të bërit biznes.