web counter
LEXO PA REKLAMA!

SHKARKO APP

App Store
Google Play

E fundit!

x

Lumë parash në bordet shtetërore për drejtuesit politikë të administratës

13 Tetor 2015, 09:11, Aktualitet CNA

Punonjësit politikë në nivelet e larta të administratës paguhen më shumë se Presidenti i Republikës apo Kryeministri. Një raport i Kontrollit të Lartë të Shtetit ka zbuluar se një lumë parash nga buxheti i shtetit shkojnë për këta funksionarë me anë të bordeve shtetërore apo këshillave mbikqyrës. Drejtorë Kabineti të Ministrive, Këshilltarë, Sekretarë të Përgjithshëm, Drejtorë të Përgjithshëm, Zëvendësministra apo Drejtorë Drejtorish.

KLSH zbuloi se një numër i konsiderueshëm punonjësish kryesisht të nivele të larta menaxheriale të angazhuar në kohë të pjesshme në cilësinë e kryetarëve/anëtarëve në borde, komisione, këshilla dhe organe të tjera kolegjiale,  përveç pagës së tyre, përfitojnë të ardhura të konsiderueshme duke qenë pjesë e 2 deri në 4 borde.

KLSH thotë se kontributi i këtyre zyrtarëve nëpër borde e këshilla është realisht i pamundur si kohë fizike dhe se pjesëmarrja e tyre është formale, jo funksionale, jo kontribuese, pa efektivitet dhe i vetmi përfitim janë shpërblimet e konsiderueshme monetare vetjake, me pasojë abuzimin  me fondet publike.

Me fondet publike, sipas KLSH, janë paguar anëtarë të Këshillave Mbikqyrës në shoqëritë anonime, ndërkohë që rezulton se ata nuk kanë marrë pjesë në këto mbledhje ose kanë marrë pjesë në një numër minimal mbledhjesh.

Përfitimet në borde e këshilla ? thotë KLSH ? shkojnë 60.000 -162.000 lekë/për mbledhje, në disa raste edhe duke mos marrë pjesë në mbledhje!

Në këto borde e këshilla janë emëruar Drejtorë të Kabineteve të Ministrave dhe Këshilltarë të Ministrave, të cilët sipas ligjit ?Për nëpunësin civil? nuk përfshihen në kategorinë e punonjësve të nëpunësve civil, por ?Funksionarë kabineti?. ?Pjesëmarrja në struktura kolegjiale e kësaj kategorie punonjësish, e cila nuk gëzon statusin e nëpunësit civil sjell për pasojë ndërrimin e tyre sa herë që ndërrohen titullarët e Ministrive, ndërkohë që Këshillat Mbikëqyrëse/Drejtuese janë organe drejtuese te shoqërive me funksione vendimmarrëse dhe mbikqyrëse e në këtë aspekt duhet të funksionojnë si organe thellësisht teknike?, thuhet në raportin e KLSH.

Në raport thuhet gjithashtu se detyra funksionale e disa anëtarëe nuk ka të bëjë me veprimtarinë dhe sektorin në të cilën bënte pjesë shoqëria anonime, duke sjellë për pasojë mungesën e ekspertizës teknike dhe për më tepër shpenzimin e fondeve për shpërblimin e tyre për një punë/shërbim  të cilën ata nuk mund ta ofrojnë duke shkaktuar në këtë mënyrë abuzime me fonde publike dhe ulje të performancës funksionale dhe vendimmarrëse  të këtyre strukturave.

Në opinion të përgjithshëm, KLSH konstaton se Këshillat Mbikqyrës, me vendimmarrjet e tyre favorizuese dhe arbitrare jo vetëm nuk luajnë një rol mbikqyrës, drejtues dhe përcaktues për zhvillim, me efekte rritjen e performancës së shoqërive anonime shtetërore, por, krahas paefektshmërisë së tyre, me nënshhtrimin e plotë ndaj atij që u paguan borderotë, në disa raste shfaqen dhe në rolin e ?avokatit mbrojtës? ndaj administratorëve abuzivë dhe shkelësve të ligjit, dëshmi jo vetëm e mungesës së profesionalizmit, por edhe  papërgjegjshmërisë së këtyre organeve.

Pas konstatimit të përfitimeve nga fondet publike nga këta drejtues politikë të administratës, KLSH kërkon reduktim të anëtarëeve të këshillave drejtues dhe të bordeve shtetërore. Lapsi.al





Lajmet e fundit nga