web counter
LEXO PA REKLAMA!

SHKARKO APP

App Store
Google Play

E fundit!

x

Koco Kokedhima, komisari i pare socialist/ Do komandoje jugun e vendit

30 Gusht 2015, 07:02, Aktualitet CNA

Socialistët kanë nisur organizimin e partisë së tyre, duke e ndarë Shqipërinë në gjashtë rajone, nga Jugu në Veri.

Përgjysmimi i rajoneve ndjek bashkimin mekanik të dy rajoneve ekzistuese fqinje, në gjithë vendin.

Sot në Vlorë, kryeministri  Rama mblodhi deputetët e Vlorës dhe Gjirokastrës, si dhe drejtuesit lokalë të partisë dhe pushtetit në bashki.

Gjatë takimit, ai u prezantoi skemën e re organizative të PS dhe u komunikoi se bashkimi mekanik i Qarkut të Vlorës me atë të Gjirokastrës, do të formojë rajonin e Jugut, një njësi e re organizative e Partisë Socialiste.

Në krye të këtij Rajoni u caktua Koço Kokëdhima, deputet i Vlorës.

Pas komunikimit të Ramës, fjalën e mori zoti Kokdhima, i cili e falenderoi për përgjegjësinë e re dhe kërkoi që dhe ministrat e atij rajoni, të raportojnë para tij.

Pra, të shtohet si kompetencë e tij dhe  llogaridhënia e qeverisë për rajonin.

Mbledhja vazhdoi pastaj me debate për problemet e bashkive të jugut dhe organizimit të partisë.

Partia Socialiste do ta shtrijë këtë skemë organizimi në gjithë vendin.

Blendi Klosi do drejtojë qarqet Fier- Lushnjë, Saimir Tahiri qarqet Tiranë- Durrës, Taulant Balla qarqet Elbasan- Korçë, Ditmir Bushati qarqet Kukës- Dibër.

Emërimi i Kokëdhimës është pritur në heshtje nga deputetët e tjerë të dy qarqeve, me të cilët duket se ky problem nuk ishte diskutuar më parë.





Lajmet e fundit nga