HABERET E MITROS/ DEPUTET MAVRIA!

24 Tetor 2014, 22:00, Aktualitet CNA

Nga Mitro CELA

Pashë disa kronika nga jeta parlamentare. Për fat të keq, parlamenti nuk ka dritare. Të gjorët deputetët! Kurrë nuk thithin ajër të freskët në salë! Oksigjenin e marrin me pompa. Ajër I kondicionuar, si puna e reflekseve të kondicionuara që I zbulloi Pavllovi, duke çarë barkun e zagarëve sovjetikë, këtu e 90 vjet më parë. Ishte koha kur shkencëtarët livadhisnin në kurriz të zagarëve! Sot ka zot hauri! Të drejtat e qënëve I mbron vetë Brixhid Bardo, që ka një OJQ me përmasa ndërkombëtare!

Të gjithë deputetët të nxirrë nga dielli! Nuk më pëlqeu ngjyra! Nuk ishte produkt I diellit tonë! Ishte diell I jashtëm! Në fillim I shava me libër shtëpije: Pse o të bekuar, nuk dëgjoni Ramën kur flet për bukuritë e mëmëdheut, por merrni aratinë ndër plazhet e Sardenjës, Spanjës, Jugut të Francës a në vendet egzotike? Duke ?nxirrë zhapën? jashtë mëmëdheut, bëni politikë antikombëtare, sespe harxhoni euro në dhe të huaj, kur paraja duhet të futet në buxhet për të ?vrarë? borxhin publik?!

Kur rashë në të thella, I justifikova. Dilli I mëmëdheut këtë vit ishte ?thartuar?. Përvëlonte. Kishte me shumicë rreze ultra violet. Rrezikonte të digjte lëkurën e butë të deputeteve? Po sikur larg qoftë, ndonjë deputet nga dashuria për mëmëdhenë të qëndronte në plazhin e Durrësit dhe të vinte në parlament me lëkurën lara-lara? Çfarë do të mendonte ambasadori Arvizu? Çfarë do të llomoiste ambasadori I OSBE-së?

Hedh vështrimin nëpër sallë. Kërkoj deputetet femra. Të veshura seksi. Njera më shik se tjetra. Nga veshja, vështirë të dallosh kush bën pjesë në klanin e opozitës dhe kush në ?vathën? e shumicës. Të gjitha në Tiranë janë kliente te ?Maks-Mara?, ?Coco?. Por nuk kursejnë për tu veshur e mbathur në Romë, Selanik, Paris, Vjenë e Paris. Nga televizori ndjeja erën e parfumit ? Channel? ose ?Guci?. Nuk ua ha qëni shkopin për të zgjedhur unazat, buzyllukeat a sahatët. Ku I gjejnë paratë? Pyet milete? Ta them unë, o millet! Ka dalë një modë e re. Po të jesh deputet, sovrani të bën dhurata. Edhe në euro!

Pikas disa fytyra të reja. Nuk I kisha parë kurrë? Mos vallë larg qoft, ndonjë deputet ka ndërruar jetë dhe është zëvendësuar? Sigurisht që jo. Kur ndërroj jetë deputeti, tundet dheu me lajme e ceremoni, që paguhen nga sovrani?!?Më erdhi në ndihmë statistika. 45 përqind e deputetëve nuk e zbërthejnë gojën në parlament. Nuk I njohin gazetarët. I ngatërrojnë bodigardët. Nuk ua varin as robtë e shtëpisë.

Dola në rrugë. Ballëpërballë Mali, ish bordero paguesi në parlament. Ka dalë në pension. E pyeta: ? Ka pasur ndonjë rast, kur ndonjë deputet nuk ka firmosur në bordero!?? Mali tundi kokën duke thënë: ?Ke luajtur nga fiqiri, Mitro Xhani!…Deputetët bëjnë namin për një djetë, ti thua të falin rrogën për fukaranë?!
Deputetët, në sallë janë gati të çajnë barkun e njëri tjetrit.Tre raste di unë, kur deputetët blu e rozë kanë bashkuar votat.
Së pari, kur u vendos që deputetët të dalin në pension 55 vjeç. Së dyti, kur votohet për të ngritur rrogat. Së treti, kur u vendos që deputetët të marrin honorare, kur marrin pjesë në komisione?!??