Kryekomunari socialist filmohet ne tentativen për përdhunim- JA VIDEO

7 Tetor 2014, 22:00, Aktualitet CNA

TIRANE ? 27-vjeçarja Miranda Shuli denoncon kryekomunarin e Libonikut Petrit Kupe në emisionin ?Me zemër të hapur? në ?News24?, duke bërë publike edhe një video të regjistruar prej saj në zyrën e komunës, ku kryekomunari ka tentuar ta përdhunonte në zyrën e tij.

E shoqëruar nga vjehrra e saj, Miranda e cila sot është në muajin e gjashtë të shtatzënisë, tregoi në detaje se çfarë ndodhi mes saj dhe kryekomunarit të Libonikut në Korçë, Petrit Kupe. Gruaja e re thotë se Kupe ka përdorur pozicionin e tij për ta detyruar të kryente marrëdhënie seksuale, për të mos e pushuar nga puna si sanitare në shkollën e fshatit Drithas.

?News24? transmetoi videon e regjistruar nga 27-vjeçarja, ndërsa kreu i komunës hodhi poshtë akuzat duke e quajtur gruan një provokuese që e ka joshur seksualisht. Në një komunikim telefonik në emisionin ?Me zemër të hapur?, kryekomunari Kupe tha se nuk ka rënë pre e provokimeve të gruas.

JA VIDEO:

http://www.youtube.com/watch?v=FpTkrxqMuFo

Miranda Shuli: ?Ditën e parë që u bë shkolla më punësoi si pastruese në 2013 ngaqë toka përpara shkollës ishte e jona, sepse gjendja jonë ekonomike ishte e keqe. Ai filloi të vinte të inspektonte shkollën dhe që ditën e parë që më futi në punë filloi të më puthte, por vinte era alkool dhe thashë do jetë i dehur. Njëherë në javë një herë në tre ditë vinte tek shkolla, nuk po e duroja dot me dhe thashë ta filmoja me celular që ta denoncoja. Shkova në komunë për të marrë një certifikatë, me pyeti dhe pastaj më tha meqë qënke shtatzanë a ka mundësi të bëjmë qejf. I thashë më prit se duhet të shkoj në banjë, atje vjen lart. Lart nuk shkruhet nëse banjot janë të burrave apo grave, thashë të rregulloja kamerën e celularit. Ai erdhi me shtyu derën dhe tha a ka mundësi ta bëjmë këtu se këtu më pëlqen. E rregullova kamerën dhe zbrita në zyrë, ai mbylli derën me çelës dhe tentoi të kryente marrëdhënie seksuale me mua në kolltuk. Arriti të më zbërthente pantallonat, unë e shtyva, kisha dhe kamerën dhe celularin në trup.

Petrit Kupe: Nuk kam rënë pre e provokimeve. Ajo ka ofruar joshje seksuale dhe unë nuk kam pranuar. Po të kisha dëshirë unë e kisha bërë atë veprim por e kam nxjerrë nga zyra sepse e pashë që ishte provokim. Arsyeja është konflikti për tokën ku është ndërtuar shkolla. Ajo ka dashur të më joshë mua dhe unë nuk kam rënë pre e saj.

Miranda Shuli: Unë nuk e shes nderin tim. Ai gjithmonë e ka bërë këtë gjë që ditën që më futi në punë. Përse ta provokoja. E filmova sepse kur ta denoncoja doja të kisha fakte. Njerëzit më njohin shumë mirë, unë nuk mund ta bëja atë gjë kurrë. Më pa si njeri të pambrojtur sepse burri im ishte në burg. Unë nuk e njihja, në 2010 jam martuar.

BALKANWEB