Teatri Kombëtar, Ministrja Kumbaro dhe milionat e konfliktit të interesit

7 Tetor 2014, 22:00, Aktualitet CNA

Elvi FUNDO

Zhurma e drejtorit te Teatrit Kombetar Hervin Culi, gjate javës së kaluar ishte goxha spektakël, për nivelin amator dhe servil kuptohet. Por disa fakte do t?ja përserisim, do themi të tjera dhe do vazhdojmë ta ndjekim më tej këtë problem. Së pari gënjeu kur tha se, ai dhe vëllai i Ministres Kumbaro nuk marrin 60% të buxhetit të teatrit. Llogaritë janë shumë të thjeshta. 32 milion lekë Kumbaro dhe 30 milion lekë shfaqja ku është regjizor Culi bëjnë 62 milion lekë ose 62% e buxhetit prej 100 milion të Teatrit Kombetar. (Shumat i dhamë në lekë të vjetra sivet drejtori në media). Sa për buxhetin e vitit të ardhshëm Culi, duhet të mësojë se buxhetet janë afat mesme dhe ka disa tavane buxhetore etj etj si këto. Me gjithë deshirën për ta pas buxhetin 200 apo 400 milionë, për të cuar në zvogëlimin e përqindjës së fituar nga fondet publike, prej vëllait të Ministres Kumbaro, ne nuk e ndihmojmë dot, por as nuk do e lejojmë të gënjejë edhe pse mud të dalë në shumë ekrane.

Vëllai i Ministres, 32 milion nga taksat e shqiptarëve

Për të shtuar më tej se zoti Kumbaro, është një regjizor me eksperience, por ai nuk mund të përfitojë nga fondet publike të taksapaguesve, sepse ka konflikt interesi. Buxhetin e atij institucioni e përcakton dhe miraton zonja Mirela Kumbaro, drejtorin e emeron znj. Mirela Kumbaro, motra e Arben Kumbaros. Ketu qëndron problemi. Hervini bashkë me miqtë e tij mund të ndryshojë ligjin dhe pastaj gjithcka është në rregull. Media ka për detyrë të denoncojë dhe me fakte. Besojmë se fakti këtë herë është më i fortë se inati i Culit me ish-drejtuesit e Teatrit Kombëtar. Konflikti i interesit në këtë rast është i hapur dhe askush nuk e fsheh dot.

Drejtori i Teatrit Kombëtar doli shëtitje tek të gjithë miqtë e vjetër dhe u mundua të na mbushte mendjen se gjerat në institucionin ku ai punon janë në rregull. Po ashtu dhe Ministrja Kumbaro e mbrojti të vëllain. Mirë bëri se nuk hidhet vëllai poshtë, ?gjaku nuk behet ujë? thotë populli. Doli dhe na ?mbushi? mendjen se nuk ka konflikt interesi mes saj dhe të vëllait, më lart janë sqarimet, por më poshtë po sjellim fakte konkrete për të cilat zonja Ministre dhe drejtori duhet të jenë në dijeni. Të dhimbshme por të vërteta.

Ca të nënës dhe ca të njerkës

Një muaj pasi zonja Kumbaro mori detyrën si ministre, shpërndau formularin që e plotësuan të gjithë punonjësit dhe aktorët e Teatrit Kombëtar. Aty shkruhej qartazi që të mos kishin të afërt dhe familjarë në një vend pune.

I ndjeri Pandi Toçe i cili punonte si përgjegjës skene deklaroj se kishte të vëlla aktorin, Vangjelin Toçe. Automatikisht u pushua nga puna. Qeveria punon me rregulla jo me fjalë. E njëjta gjë nuk ndodhi me ndonjë regjizor dhë bashkshorten e tij, ose bashkëjetuese në kohët moderne, por kjo le ti përkasë një tjetër shkrimi.

E çuditshme duket por është realisht kështu, thonë punonjësit e Teatrit për cityfm.al. Të vijnë të pyesin në teatër, shprehen ata, mjafton një shëtitje. I ndjeri Pandi iku nga puna prej vëllait, kurse vëllai i Ministres mer një llokmë të mirë nga buxheti i Teatrit Kombëtar, shprehet një burim për cityfm.al, dhe shuma të mer vëllai i ministres Kumbaro është afërsish sa rroga që do merte për të paktën 7 vjet i ndjeri Pandi Toce.

Harroi apo s?mban mend?

I nderuari Çuli nuk tha se kur aktorët do të marrin pagat e prapambetura. E harroi apo…? Në logjikën e qeversë aktuale, deklaruar nga kryeminstri Rama, i cili mori borxhë për të mbylluar vrimat për punët e pambaruara të qeverisë së më parshme, duhet edhe ky drejtor te shlyeje detyrimet, pasi llogaritë janë bërë dhe brenda janë edhe pagesat e pashlyera të Teatrit Kombëtar.

Sezoni teatror drejtori se di?

Përsa i përket shfaqes aq të kushtueshme të regjisorit Kumbaro që gjoja do të vihet vitin tjetër dhe jo këtë vit, kujtoji se me një fjali e kaloi. Viti teatror nuk nis në Janar dhe përfundon në Dhjetor, por fillon në Shtator dhe përfundon në Qershor ashtu si viti shkollor. Ndryshe përse Drejtori Culi miratoi kalendarin nga Shtatori 2014 në Qershor 2015 dhe jo Janar ? dhjetor 2014 apo 2015?

Cdo justifikimin i zoti Çuli duket i pavlerë, kjo sepse paratë vëllai i ministres do t?i marrë ashtu si do të marrësh edhe vetë drejtori për shfaqen e tij. Zoti Çuli, ju mund të jetë regjisor i mirë, mund të jetë socialist i mirë, sic ka qenë dhe demokrat i mirë, por nuk jeni administrator i mirë. Kritikat janë me fakte dhe kritikat ndalen kur bën punën, jo qoka ministres, nuk tallesh me paratë e taksapaguesve edhe pse je drejtor dhe ke luftuar për pozicinin që ke marë.

Na vjen keq se dikur Hervini denonconte e fliste për Teatrin, biletat etj etj. Sot kur denoncohen disa probleme në këtë institucion ai bën të njëjtin gabim si paraardhësit e tij. Thonë që kur ulesh në karrige ?semuresh?, shpresojmë që drejtori 1 vjec i Teatrit Kombëtar të mos ?sëmuret? por të reflektojë dhe reagojë me qytetari për kritikat.