web counter
LEXO PA REKLAMA!

SHKARKO APP

App Store
Google Play

​E vërteta e vrasjes në Shkodër

6 Tetor 2014, 22:00, Aktualitet CNA

Ndryshe nga sa është njoftuar zyrtarisht, viktima në tregun e Shkodrës ishte një shofer që i kërkoi pagën mujore pronarit të tij. Të paktën ky është versioni që japin dëshmitarët, të cilët tregojnë se tregtari, jo vetëm që ia mohoi paratë dhe e pushoi nga puna, por më pas e vrau.
Madje, policia e ka arrestuar për vrasje me paramendim, që do të thotë se ai e kishte menduar që më parë ekzekutimin e të ndjerit. Dëshmitarët kanë deklaruar se nuk ishte tregtari ai që u vra?.

Viktima Dedë Xhakaj, 50 vjeç, baba i dy fëmijëve të vegjël, ishte shoferi i autorit Ilir Hoxha. Tregtari i shumicës në Shkodër, në fillim i mohoi rrogën, pastaj e pushoi nga puna dhe në fund e vrau?, thonë dëshmitarët.

Ndryshe nga versioni i policisë, dëshmitarët treguan se viktima ishte punëtori i shpërndarjes së fruta?perimeve. Mëngjesin e së dielës, ai po i kërkonte pagën e muajit pronarit të tij, e cila i ishte vonuar disa ditë. Këmbëngulja e shoferit u përball me refuzimin e ashpër të pronarit.

Hoxha ia ka mohuar paratë dhe në të njëjtën kohë e pushoi nga puna. Ky ka qenë momenti kur midis dy burrave nisi debati i ashpër me kërcënime e fyerje banale. 40-vjeçari nxori pistoletën pa leje dhe qëlloi mbi shoferin e tij shtatë herë. Më pas nxori nga xhepi karikatorin tjetër dhe shtiu edhe dy herë të tjera. Pasi u bind për vdekjen e Hoxhës, shkoi në shtëpinë e tij dhe priti policinë për t?i vendosur prangat.





Lajmet e fundit nga