E fundit!

07:08 Sociale

Moti për ditën e sotme/ Ja sa gradë do të shënojë termometri

Ditën e sotme vendi ynë do të ndikohet nga kushte atmosfer...

Frika e diktatorit dhe frika e kukullave

12 Shtator 2014, 19:42, Politikë CNA

Nga Spartak Ngjela

Kur dëgjon sesi flet Saliu në median shqiptare, e kupton shumë mirë se, që nga vdekja e Enver Hoxhës e deri më sot, asgjë esenciale nuk është bërë për të eliminuar karakterin totalitar të politikës në Shqipëri. E njejta gjuhë, i njëjti pasion i errët…dhe mbrojtje me frikë e krimit. Pse, ju mendoni se Enver Hoxha fliste me aq pasion “kundër armikut”, sepse ishte ne doktrinën revolucionare…hahaha… mbronte me pasion prej të çmenduri krimet që kishte kryer vetë. Kjo është arsyeja që sot shihni sërish karakter totalitar si ai i vjetri në politikën shqiptare: kanë abuzuar me pushtetin dhe kanë frikë semos vendoset ligji. Dhe gjithmonë mbrohen me kukulla. Lexoj ditarin e nje Haxhiu të Enver Hoxhës, dhe shoh sesi shkruan një kukukll e tij: Hoxha është pa këmbë, pa sy, pa duar, pa mendje, dhe sërish drejton shtetin dhe gjithmonë me të njejtën gjuhë barbare, dhe këtë gjuhë barbare ka edhe Haxhiu në ditar. Ky është turpi diktatorial: frika e diktatorit dhe frika e kukullave. E njëjta gjë edhe sot: abuzuesi është Saliu, por kukullat e mbrojnë se duan të hanë bukë sërish me abuzuesin…se kanë frikë edhe për vete… sepse janë bërë njësh me të: njëlloj si Haxhiu. Prandaj kjo është gjendja. A do të ndryshojë? A do të dalim dot nga karakteri totalitar i politkës në Shqipërinë e sotme? Të shohim. Arrestimi i Guvernatorit të Bankës i ka dhënë shpresë të gjithë shqiptarëve se krimi do të goditet. Po a do të rezostojë Prokuroria për ta çuar deri në fund hetimin e nisur? A do të ndahet Gjykata nga krimi? Këto janë pyetjet, duke i shtuar edhe këtë: a do të dijë të këtë forcë politike kryeministri aktual Rama kundër krimit shtetëror që ka degraduar shtetin shqiptar në këta 20 vjetët e fundit? Në fakt Rama e ka plotësisht në favor të karierës së tij këtë akt: por, a e kupton? Dhe me shumë: a është në gjendje Rama që ta kuptojë dhe të dijë ta mbështesë shkatërrimin e krimit shtertëror në Shqipëri?