Berisha: Arrestimi i Fullanit, stalinist dhe mafioz

12 Shtator 2014, 11:02, Politikë CNA

Ish-Kryeministri Sali Berisha ka marrë në mbrojtje ish-Guvernatorin Ardian Fullani në reagimin e parë publik për mediat që nga momenti i arrestimit të tij nga policia, pas urdhërit të Prokurorisë.

Në një prononcim për mediat, pas homazheve të kryera në memorialin e Azem Hajdarit në 16 vjetorin e vrasjes së tij, Berisha e konsideroi arrestimni e Fullanit një akt stalinist i një shteti policor, klike mafioze, të cilën e dënoj me ashpërsinë më të madhe.

Berisha tha se Fullani ka ruajtur me fanatizëm pavarësinë e Bankës dhe e ka ndihmuar shumë pak qeverinë e tij, në krahësim me qeveritë e tjera.

Ish-Kryeministri tha se arrestimi i ish-Guvernatorit është një hakmarrje politike nga kryeministri Rama, duke sjell në vëmendje dhe librin e tij ?Kurbani. Më tej Berisha, bëri publike disa nga faktet se pse nuk e ka mbështetur arrestimin e Fullanit, ndonëse theksoi se pret që çështja e vjedhjes së Thesarit të Shtetit të hetohet.

?Arrestimi Guvernatorit Fullani një akt stalinist, i një shteti policor dhe një klike mafioze të cilën e dënoi me ashpërsi të madhe. E di që mund të këtë qytetarë që nuk e pëlqejnë këtë deklaratë.

Por atyre që nuk e pëlqejnë si duhet të dukej para që tu arrestonin pa e pyetur për emrin. Kjo ndodh në shtete dhe klika policiske. Kam kërkuar dhe kërkoj hetim të gjithënashmë, të të gjithë atyre që janë nën banke, të lidhur apo të palidhur me akte të shëmtuar.

Por të arrestosh Guvernatorin për mllefe politike sepse këto i kë përshkruar tek ?Kurbani?, apo të arrestosh se e shoqja e Fullanit ka qenë në gjyqin që akuzojë babain për atësinë e fëmijës! Mbështes një hetim të plotë transparten, por nuk mund të pranoj kurrë arrestimin stalinesk.

Guvernatori shkarkohet dhe ka procedurë ligjore, atë e bën kryeministri, dhe ka tagër ligjor për të kërkuar shkarkimin, por jo pa e dëgjuar një fjalë?, tha për mediat Berisha.

Berisha shtoi se mbështetja e tij për Fullanin shkon për tre gjera, ku ndër të tjera theksoi se ai i dha mbështetje dhe nuk lejoi të preken nga kriza bankat. Sipas Berishës, Kryeministri e lidhi arrestimin e Fullanit me sigurinë e Bankës, ndërkohë që për atë paguhej një drejtor që duhej të merrej me çështje të tilla.

?Siç ishte Ermelinda Meksi, e cila i thoshte bordit ose votoni ose do dal ti them këtë e atë mediave. Këto janë skenarë të viteve 70. Se fundmi dua të informoi shqiptarët për 3 gjera. Fullanin e ka propozuar PS dhe ne e kemi rimandatuar.

Së pari ka ruajtur me fanatizëm politikën e bankës, pavarësinë e saj. Të shohim se sa para i ka dhënë qeverisë së Berishës dhe Qeverive të tjera,. Do gjeni shumë mirë se paratë që janë dhënë nga banka ndaj qeverive të tjera janë 3 apo 4 herë më shumë sesa ato që na janë dhënë ne. Së dyti, Ardian Fullani ka ruajtur plotësisht përveç pavarësisë stabilitetin e bankave të tjera, të cilat kanë pasur periudha të vështira.

Unë jam dëshmitar i përpjekje të tij të jashtëzakonshme për ti shpëtuar ato. Çdo shtet ka procedurën e vetë dhe vendet e lira i kanë të njëjta, të hetohen dhe të mbahet qëndrim.

Ama të na thotë se e arrestoi Guvernatorin kur në këtë rast ka një drejtor që paguhet për sigurinë e bankës, kjo dëshmon se është vullnet i lig i Edi Ramës të zbatoj hakmarrjen primitive të tij, si tek ?Kurbani?. Këto janë qëndrime të mijat, por nuk përfaqësoj qëndrimin e PD-së?, theksoi Berisha

Veç rezervave për mënyrën se si u arrestua guvernatori, Berisha gjithashtu doli edhe kundër propozimit që Këshilli Mbikëqyrës i bëri Kuvendit për të shkarkuar Fullanin.

?Shkarkimi i tij nga bordi është nul. Atë e bën kryeministri, por jo bordi. Një si Meksi që u thoshte anëtarëve ose votoni ose unë do dal tu them mediave këtë e këtë. Këto janë ndodhi të cilat absolutisht janë skenare të viteve 70?. Kërkoj hetim të gjithanshëm të të gjithë atyre që janë në bankë të lidhur ose të palidhur me këtë akt të shëmtuar?, përfundoi Berisha.