E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Paloka: Nuk bojkotojmë zgjedhjet lokale

10 Shtator 2014, 11:05, Politikë CNA

Partia Demokratike nuk do të bojkotojë zgjedhjet lokale, përkundër kundërshtive për ndarjen e re të territorit. Kryetari i Grupit Parlamentar të Partisë Demokratike Edi Paloka e ka deklaruar këtë në emisionin ?Mëngjes Express?, ku tha se ?nuk ka thënë asnjë në Partinë Demokratike që nuk do të hymë në zgjedhje?.

?Ne do të ndjekim çdo rrugë ligjore dhe politike që me kërë hartë të mos zhvillohen zgjedhje në Shqipëri. Sepse është e gjithë kjo antireformë, se nuk mund të quhet reformë. Antireforma territoriale është edhe kjo si çdo tjetër që ai bën, në kundërshtim me kërkesat më minimale që ka Kushtetuta për reforma të tilla. Nuk ka thënë asnjë në Partinë Demokratike që nuk do të hymë në zgjedhje. Është tjetër që nuk do të ketë zgjedhje dhe tjetër që nuk do të hymë në zgjedhje? , tha Paloka.

Ai rikonfirmoi se bojkoti do të jetë afatgjatë, pasi sipas Palokës, Kryeminsitri Edi Rama, që me nisjen e Parlamentit ka orkestruar dhe planifikuar dhunën ndaj opozitës.

?Ne nuk presim të ndodhë ndonjë gjë. Unë nuk pres që Rama të përmirësohet, përkundrazi unë pres që ai të përkeqësohet. Opozita do të vazhdojë të qëndrojë jashtë parlamentit në qoftë se ai do të vazhojë kështu. Atëherë është i detyruar të përballet më qytetarët. Ne nuk mund të lejojmë që të vijë pas 25 vitësh, një pinjoll i Bllokut dhe të rikthejë regjimin e baballarëve të tij? , tha Kryetari i Grupit Parlamentar të PD-së.

Paloka e akuzoi Kryeministrin Rama se po shkatërron vendin duke mos njohur ligjet dhe Kushtetutën. Me këtë sjellje tha ai, kjo qeveri do shpallet ilegjitime dhe si e tillë do të luftohet në të gjitha mënyrat, përfshirë protestat popullore.

?Do të ketë përballje me çdo mënyrë. Unë kam shkuar dhe më tej, kam thënë së në qoftë se kjo mazhorancë vazhdon kështu, nuk mund të quhet legjitime. Rama nuk mund të thotë se unë kam 1 milion vota. Dhe mund të bëj ç?të dojë, ?mund të bëhem mbret në këtë vend, të shkel ligjin, të shkel kushtetutën se kam ato 1 milion vota?. Në qoftë se ai vazhdon të shkelë ligjin, me shkeljen e kushtetutës, me dhunimin e opozitës, me dhunimin e qytëtarëve të pambrojtur siç po bën përditë.

Edhe këto shembjet e shpive, arrestimet se i ke dhënë makinës më ndryshe nga sa i ke dhënë më parë, dhe çdo gjë tjetër, janë pjesë e terrorit që ajo po ushtron ndaj qytetarëve që t?i bëjë që të heshtin. Në momentin që është ilegjitim, ai luftohet në çdo lloj mënyrë si çdo gjë tjetër që është ilegjitime. Do të kemi të gjitha mënyrat e përballjes, deri në shporrjen e asaj qeverie.

Nuk mund të them se kemi ndonjë plan për të vazhduar ndonjë luftë në qeveri, por mund të them se në qoftë se ai sic ka filluar, do ta vërë opozitën në kushtet e mbijetësës, sigurisht en nuk do të pranojmë të zhdukemi. Nuk ka ardhur dita që një Edvin Rama të zhdukë opozitën në shqipëri, nuk ka ardhur dita që një Edvin Rama të zhdukë atë që fituam në 90. Ne do të përballemi me çdo mënyrë?, u shpreh Paloka.

Gjithashtu Paloka tha se dhuna e ushtruar në ambientet e Kuvendit, ndaj deputetit Gent Strazimiri, ishte e planifikuar më parë, duke shtuar se këto informacione kanë dalë nga mazhoranca.