web counter
LEXO PA REKLAMA!

SHKARKO APP

App Store
Google Play

E fundit!

x

Rama takim me Presidentin e SHBA-ve, Barack Obama

5 Shtator 2014, 16:18, Politikë CNA

Kryeministri Edi Rama ka zhvilluar një takim kokë më kokë me Presidentin amerikan Barack Obama, në kuadër të Samitit të NATO-s që u zhvillua në Uells në datat 4-5 shtator.  Takimi më pas ka vijuar me prezencën edhe të Sekretarin të Shtetit John Kerry.

Ndërkohë, në konferencën për shtyp që ka dhënë në Uells, kur është pyetur mbi takimin me homologun grek Andonis Samaras dhe interesin e palës greke për reformën territoriale, kryeministri Rama është përgjigjur se kjo çështje është atribut i Shqipërisë dhe e miratuar nga Parlamenti shqiptar.

Sa për çështjet e pazgjidhura mes Shqipërisë dhe Greqisë, Rama ka theksuar se, kjo nuk është një çështje e tillë por vetëm e Shqipërisë, për përmirësimin e jetës së shqiptarëve dhe minoriteteve.

Sa për Marrëveshjen e anuluar të Detit, Rama ka shprehur gatishmërinë për ta trajtuar atë me qeverinë e Athinës.

Ndërkohë, paralajmërohet një vizitë e kryeministrit grek në Tiranë, me ftesë të Kreut të Qeverisë shqiptare.

Ndër të tjera, Kryeministri Rama ka thënë se shqiptarët vijnë në këtë samit me kredite të rritura, përmes kontributit në misionet ndërkombëtare, ?ndaj dhe Shqipëria meriton më shumë vëmendje nga NATO?.

Më tej ai ka kërkuar njohjen e Kosovës nga të gjitha vendet anëtare të Aleancës, ndërsa lidhur me vendet që aspirojnë anëtarësimin, konkretisht Maqedoninë, Rama ka shtuar se, përveç kontestit të emrit me Greqinë, ky vend duhet të implementojë edhe Marrëveshjen e Ohrit.





Lajmet e fundit nga