E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Bojkoti dhe zgjedhjet. Edhe Bode kundër Bashës?

4 Shtator 2014, 09:03, Politikë CNA

Kanë ngjallur jo pak rreagime deklaratat e Ritvan Bodes të mërkurën në mbrëmje në emisionin e lajmeve në Top Channal. Jo vetëm se ish ministri i financave për 8 vite në krah të Berishës ka zgjedhur një televizion aspak miqësor ndaj PD-së, por edhe për faktin se disa prej tyre, bien ndesh me linjën zyrtare të shpallur nga Basha. Kaq ka mjaftuar që të ringjallen zërat që e rendisin edhe Boden përkrah kundërshtarëve të shefit të opozitës, në rivalitetin brenda partisë. Dhe ja sepse.

Ndërkohë që Lulzim Basha shpalli vendimin për të vazhduar bojkotin e parlamantit, në mbremjen e të mërkurës, qëndrimi i Bodes qe me muanca shumë të ndryshme: « Mendimi im është që deputetët e PD-së duhet të jenë në Parlament, por duhet të ketë një garanci ».

Po ashtu diferenca shfaqi ish ministri i financave edhe lidhur me problemin e zgjedhjeve lokale. Ndërkohë që deklaratat e Bashës janë se me këtë ndarje të re teritoriale, opozita nuk mund të hyjë në zgjedhje, Bode deklaronte të kundërtën:?PD-ja nuk ka munguar asnjëherë në zgjedhje. Partitë funksionojnë vetëm përmes proceseve elektorale dhe nuk mendoj që Partia Demokratike do të bojkotojë zgjedhjet locale?.por kur u pyet se Basha kishte deklaruar të kundërtën, Bode u mundua të justifikohet me kujdes: ?Nga kryetari është thënë se me këtë hartë elektorale ne nuk do të lejojmë zhvillimin e zgjedhjeve lokale, kjo do të thotë që PD-ja do të përdorë të gjitha hapësirat ligjore për të kërkuar që për ndarjen territoriale të ketë një logjikë më adekuate dhe të jetë më e përshtatur dhe të përputhet më shumë me interesat e qytetarëve? tha ai në Top Channel.

Megjithëse vihet re një lloj kujdesi për të mos shkaktuar përplasje dhe fërkime, për këdo që e ka dëgjuar Ridvan Boden, mbrëmjen e së mëkrurës, shihet qartë se qëndrimet e tij janë tejet të ndryshme nga vija zyrtare e kryetarit të PD-së.

lapsi.al