Ngjela: Dhuna në Kuvend nuk është shkak i bojkotit

3 Shtator 2014, 17:04, Politikë CNA

?Partia Demokratike iku nga Kuvendi se nuk bënte opozitë. Dhuna në Kuvend nuk është shkak i bojkotit?.

Kështu u shpreh për News24, kreu i PLD, Spartak Ngjela, ish-deputet i spektrit të djathtë, por dhe ish-aleat i së majtës.

Lidhur me opozitën e sotme, sipas Ngjelës, Shqipëria ka një krizë morale, që duhet goditur:

?Shqipëria ka një krizë morale që duhet goditur. Çështja është shumë e rëndë, opinionin publik është i mbarsur me korrupsionin dhe mosdhënien e drejtësisë. Të gjitha këto janë jashtë opozitës dhe opozita duket si jetime, nuk mund ta shikojnë pesë njerëz. Faji i opozitës ka ikur me vota?.

Gjithashtu, Ngjela foli edhe për rolin e shumicës në kthimin e normalitetit në vend.

Sipas tij, duhet inkurajuar një sistem me zhvillim normal në vend.

?Kjo shumicë që ka marrë 1 milion vota, duhet të sjellë moralin në vend.

Por, në fakt ajo çfarë shohim është se tenderët shkatërrohen. Nisesh për të ndërtuar rrugë, por shikon që pushtetarët kanë bërë shtëpi. Kjo është fyerje morale ndaj popullit tënd.

Deri tani nuk është vendosur ende moraliteti, por është hapur një fasho shprese. Në fakt duhet ndërhyrë në sistemin gjyqësor, që vazhdimisht të jepet drejtësi?, tha ai.

Gjatë fjalës së tij Ngjela foli edhe për reformën në drejtësi.

Sipas tij, kjo reformë nuk është një gjë e lehtë, sepse duhet ndryshuar i gjithë sistemi:

?Sistemi legal dhe pushteti ligjor janë në koncepte totalitare. Sistemi gjyqësor dhe prokuroria nuk godasin korrupsionin. Është krijuar një marrëveshje e fshehtë, një koorporatë biznesi mes gjykatës dhe qeverisë.

Kjo do një ndërhyrje të shpejtë. Kryeministri duhet të ndërhyjë në nyjë në sistemin e drejtësisë, sepse njerëzit e kanë kuptuar korrupsionin. Nuk mund të futemi në Bashkimin Evropian me këtë korrupsion në sistem?

Në lidhje me vjedhjen në BSH, Ngjela u shpreh se Fullani nuk e dha dorëheqjen për dy arsye: ose është i paaftë, ose është bashkëpunëtor në vjedhje:

?Ai duhet të ikë një orë e më parë. Nuk e mbron më asnjëri, sepse sistemi është i kalbur, nuk ka ruajtur paratë e popullit.

Garanti i monedhës shqiptare, nuk çan kokën për një vjedhje 7 milion euro. Ai ka një përgjegjësi të madhe për të treguar se ajo nuk është përfshirë në vjedhje?.