E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Basha: Rama-Meta na lenë jashtë Kuvendit

2 Shtator 2014, 11:50, Politikë CNA

Partia Demokratike ka zhvilluar sot mbledhjen e Kryesisë së Grupit Parlamentar, ku ishte i pranishëm edhe kreu republican Fatmir Mediu, një nga partitë aleate të PD-së, e cila në ndryshim nga PDK e Nard Ndokës apo PDIU e Shpëtim Idrizit nuk ishte e pranishme në seancën e parë të sesionit të ri parlamentar.

Takimi i zhvilluar me dyer të mbyllura në selinë e PD-së vjen një ditë pas mbledhjes së Grupit Parlamentar demokrat që u karakterizua nga debate të forta mes deputetëve në lidhje me qëndrimin që do të mbajë Partia Demokratike ndaj Kuvendit.

Në përfundim të mbledhjes, kreu republikan Fatmir Mediu në një prononcim për mediat i cilësoi të turpshme deklaratat e Kryeministrit në drejtim të opozitës. Sipas Mediut, Kryeministri nuk përcakton dot rolin e opozitës.

?Dje vendosëm të ndjekim axhendën e parlamentit. Ne do të kemi një angazhim konkret për të mbajtur një qëndrim. Vendimi ynë është për të qëndruar jashtë Parlamentit?, theksoi Mediu, duke e cilësuar të turpshme gjithashtu tentativën e Ramës për të krijuar një opozitë informale.

Më tej, Kryetari i Partisë Republikane, u shpreh se qëndrimi ndaj Kuvendit është i kushtëzuar, duke mohuar në këtë mënyrë një bojkot përfundimtar nga demokratët dhe republikanët të punimeve të Kuvendit.

?Parlamenti është vendi ku opozita duhet të zhvillojë debatin politik. Për momentin kemi një qëndrim të kushtëzuar?, tha Mediu.

Ndërkohë kreu demokrat Lulzim Basha në deklaratën e tij për mediat theksoi se opozita parlamentare do t?i përgjigjet me një punë sistematike arrogancës së mazhorancës, duke ndjekur ligjet dhe vendimet që kjo shumicë do të votojë në Kuvendin e e Shqipërisë.

Basha paralajmëroi që çdo ligj apo vendim që bie ndesh me Kushtetutën apo ligje të tjera do të ankimohet në Gjykatën Kushtetuese, duke iu përmbajtur qëndrimit se edhe 5 ligjet e kthyera nga Presidenti Nishani për shqyrtim në Kuvend do të ankimohen në këtë gjykatë.

?Ka ndodhur dhe do të ndodhë që Presidenti kthen prapa ligje të miratuara nga Parlamenti. Sikundër ka ndodhur që Kuvendi do ti rrëzojë ato dhe këtu jemi në kufijtë e pranueshëm. Ajo që është e papranueshme është rrëzimi i dekreteve pa asnjë argumentim. Presidenti i bëri transparente argumentet e tij, por asnjë nga dekretet e rrëzuara nuk u argumentua me argumente ligjore dhe Kushtetuese. Nuk dëgjuam asnjë argument nga shumica në lidhje me rrëzimin e dekreteve përveç tezës së mazhorancës, që është teza e turpshme e Edi Ramës, se nuk kemi kohë të humbim me Partinë Demokratike. Kjo tregon se mazhoranca nuk ka dëshirë të dialogojë apo dëgjojë opozitën.

Është indinjuese që ky qëndrim i mbajtur në Kuvendin e Shqipërisë, duke rrëzuar dekretet vetëm me një argument që Presidenti është Zëdhënës i PD. Argumenteve ligjorë dhe Kushtetues të Presidentit të Republikës, mazhoranca iu përgjigj me lajthitje, duke folur e vepruar si e ?ëma e Zeqos në majë të thanës??. Nuk bëhet fjalë për përjashtimin e opozitës nga zgjedhjet e ardhshme, por një çështje me e gjerë, teza e djeshme për hedhjen e dekreteve, ishte teze e turpshme e Ramës se nuk kemi kohë për mendimet opozitës, çka tregon në vetvete të mazhorancë për mungesë dëshirë për bashkëpunim?, theksoi Basha.

Sipas tij, Presidenti vërtet u zgjodh nga një shumicë e drejtuar nga Partia Demokratike, por në bazë të Kushtetutës ai është mbi palët dhe është garant i zbatimit të Kushtetutës së vendit

I pyetur mbi vijimin e bojkotit nga Partia Demokratike, Basha tha se vendimi i marrë është i imponuar nga sjellja arrogante e dyshes Rama-Meta.

?Nuk është zgjedhja jonë që jemi jashtë Kuvendit, por është Meta dhe Rama që e kanë llogaritur pa opozitën ose me opozitën dekorative?, theksoi Basha.

Në vijim ai shtoi se ?një nga rreziqet e mëdha të oligarikës është pandjeshmëria për të vërtetën?.

?Kur faktet, shifrat, dhe gjerat konkrete flasin vetë, oligarkia kap zërat e lirë. Shumë e rëndësishme është që drama e këtij vendi dhe drama e çdo qytetari që vuan pasigurinë për një vend punë janë pasoja të një regjimi oligarkik të vendosur në vend. Ne këtë kuadër nuk ka akt më të rëndë dhe më të papranueshëm sesa përpjeka për të asgjësuar opozitës. Kur ti i heq opozitën të kontrollojë të drejtën kushtetuese, dhe i nëpërkëmb! Atëherë cili është roli i opozitës?! Përgjigja jonë është një përgjigje nga ajo çka ka ngelur nga parlamentarizmi.

Qëndrimi ynë dhe bazat e qëndrimit tonë janë artikuluar qartë. Kërkesa jonë është po kështu e qartë; jeta parlamentare mund të kthehet me praninë e opozitës dhe jo fazat kur shumica pranon të drejtat e Parlamentit dhe Kushtetutën, pranon debatin dhe nuk godet fjalën e lirë.?, tha Basha.