E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rama, mes Meros dhe Kocos

30 Gusht 2014, 08:43, Politikë CNA

Mero Baze dhe Koço Kokëdhima i kanë nxjerrë tashmë shpatat dhe po kacafyten , të paktën deri më tani vetëm në diskursin publik. Çarja midis tyre duket e madhe, aq sa ndërhyrja e një force të madhe do t?i ulte të paktën zërin dhe të bëin sikur u pajtuan në publik. Ky është Rama. Edhe nqs nuk i pajton, me inercinë që ka marrë sherri, Rama do të duhet të zgjedhë njërin midis të dyve.

Rama është në vështirësi nga kjo krisje e dy prej njerëzve më besnik të opozitës së tij të përvuajtshme.

Rama në fakt, nuk do të zgjedhë kë do të ketë mik, por do të zgjedhë cilin prej tyre nuk do që ta ketë armik në vitet e kryeminsitrimit të tij.

Koço si këshilltari me peshë pranë Ramës, në raste dobësie të këtij të fundit, edhe shpirtëror, kurse Mero udhëheqës i mendimit të militantëve më të flaktë socialist.

Koço ka pushtetin e Ramës, Mero ka pushtetin e masës të fituar në luftën kundër Berishës së III-të. Megjithatë, përtej militantëve të verbër, të majtët e moderuar, ata që përbëjnë brumin e votuesve socialist, nuk kanë ndonjë simpati kushedi se çfarë për Meron. Ata i njohin atij meritën se për pesë vite e shau atë pa dorashka ashtu siç do të ngopej shpirti i çdo të majti të thekur se herë herë bëri më shumë opozitë se vetë Rama dhe Koço me ?Sh-në? e tij të bërë synet.

Mero nuk ka qenë ndonjëherë i majtë. Anti-berishizmi i tij e kaloi në gardhin e Ramës dhe të të majtëve duke u bërë atyre nderin e çmontimit të një pjese të pushtetit të berishëve. Rama dhe të tijtë e dijnë këtë.

Koço nuk i prish punë Ramës në administrimin e pushtetit të tij. Mjafton që Rama t?i plotësojë kërkesat e tij në lidhje me bizneset dhe njerëzit e tij dhe Koço është i administrueshëm në opinionin publik. Problemi që do të ketë Rama me Koçon është në raport me njerëzit e partisë. Koço vërtet nuk cënon pushtetin e Ramës, por ama i nxin jetën hapësirave të të tjerëve në tortën e pushtetit.

Koço njihet si llupës i madh kur bëhet fjalë për tenderë apo privatizim të pronës publike.

Të tjerët përreth Ramës nuk do të duronin një pangopësi të vazhdueshme të Kokëdhimës që ushqehet vazhdimisht nga Rama. Po ashtu, në kuadrin e opinionit publik, Berisha më parë por edhe Mero me sulmin që ka nisur, po krijon në public figurën e një Koçoje enigmatik, me pushtet të pakufizuar dhe mbi të gjithë, të mistershëm dhe të frikshëm.

Ndryshe nga Koço, Mero mjaftohet me një copë të vogël nga torta e pushtetit.

Siç tham më lartë, problemi i Ramës nuk është kë do të ketë më afër, por cilin prej tyre do të zgjedhë për kundërshtar.

Nga eksperienca e deritanishme, Koço ka treguar se është një mik që të prish punë dhe një armik luksi.

Në tetë vite opozitë, Kokëdhima me mediat e tij ka qenë një peshë e lehtë kundër Berishës, i shantazhueshëm, nevojtar për shtrirje dore dhe i prirur për të bashkëpunuar nqs berishët do të kërkonin ?paqe?.

E kush nuk e mban mend prezencën e Kokëdhimës me bashkëshorten në pritjen e Berishës në kryeministri pak muaj pas 21 janarit dhe krizës së madhe të ?Shekullit? me qeverinë Berisha!

Ndryshe nga Koço, Mero është një armik që asnjë pushtetar dhe më pak një kryeministër s?do të donte ta kishte përballë. Mero është një armik i papërballueshëm dhe një mik që të bën shumë punë.

Rama do ta ketë shumë të vështirë të zgjedhë mes Meros dhe Koços, por në rast të një zgjedhjeje të detyruar atë duhët ta bëjë shpejt pa ardhur zgjedhjet dhe LSI-ja të ketë shtuar dhjamin dhe oreksin.

Dosja.net