E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Ligjet "rrëzojnë" Nishanin

29 Gusht 2014, 10:16, Politikë CNA

Komisioni i Ligjeve rrëzon dekretet e Presidentit Bujar Nishani në lidhje me ligjin për organizimin dhe funksionimin e KLD-së, si dhe atë të Reformës Territoriale.

Në fillim të mbledhjes së Komisionit, Kryetari i tij Fatmir Xhafaj u përqëndrua në ligjshmërinë e mbledhjes duke hedhur poshtë pretendimet e opozitës për shkelje të Kushtetutës dhe rregullores së parlamentit.

Xhafaj tha se ky sesion i ri parlamentar, do të jetë një sesion i ngarkuar për shkak të reformës në drejtësi. Po ashtu Kryetari i Komisionit parlamentar të Ligjeve ka nënvizuar se përfaqësuesit e Presidencës nuk kanë ardhur në mbledhje të komisionit, pavarësisht se ata janë lajmëruar. Gjithashtu në mbledhjen e Komisionit kanë munguar deputetët e opozitës, të cilët vijojnë bojkotin e të gjitha komisioneve, deri në një vendim të dytë, që pritet të shpallet të hënë.

Dekreti i parë i shqyrtuar nga Komisioni i Ligjeve ishte ai për Organizimin dhe Funksionimin e KLD-së, për të cilin relatori Armando Subashi tha se argumentet e Kreut të Shtetit nuk qëndrojnë, duke shtuar se ligji është kthyer vetëm për një nen që ka të bëjë me zgjedhjen e Nënkryetarit të KLD-së

?Ky ligj u kthye vetëm për nje nen ku bëhet fjalë për zgjedhjen e Nënkryetarit të KLD. Më vjen keq që Presidenti nuk ka lexuar me kujdes vendimet e Gjykatës Kushtetuese. Ndryshimet që ne bëmë në ligj, e sollën atë në shtratin kushtetues. Ftoj kolegët ta rrëzojnë dekretin e Presidentit, arsyet e tij nuk qëndrojnë?, theksoi Subashi.

Në vijim Komisioni ka marrë në shqyrtim dekretin mbi Reformën Territoriale, për të cilin relatori Blendi Klosi theksoi se argumentet e Presidentit për kthimin e ligjit nuk qëndrojnë.

?Presidenti e rrëzoi në mënyrë absurde këtë reformë?, tha Klosi.

I ashpër në qëndrim ndaj Presidentit të Republikës ishte deputeti Spartak Braho, i cili tha se Bujar Nishani me kthimin e dekreteve ka shkelur Kushtetutën dhe ka shpërdoruar detyrën.

?Nuk duhet ta zgjasim shumë këtë komedi, këto relacione për ligjet i kemi dëgjuar nga tre here?, tha Braho, ndërsa Komisioni i Ligjeve rrëzoi dekretin për Gjykatën Administrative.