web counter
LEXO PA REKLAMA!

SHKARKO APP

App Store
Google Play

E fundit!

x

Ministria e Brendshme përgjigjet pas akuzave të Strazimirit

31 Gusht 2014, 12:27, Politikë CNA

Ministria e Brendshme hedh poshtë pretendimet e PD-së se policia ka dështuar dhe siguron qytetarët se sot më shumë se kurrë është shtuar llogaridhënia në përmbushje të interesit më të lartë të tyre.

?Dokumentet e publikuara sot nga zyrat e SHQUP-it janë urdhra të brendshëm pune që dëshmojnë vetëdijen e institucionit dhe drejtuesve të Ministrisë së Punëve të Brendshme dhe Policisë për të reformuar në vazhdimësi shërbimin e Policisë së Shtetit ndaj qytetarëve?, thuhet në reagimin e MPB-së, të cilët shprehim keqardhje që opozita ka përfunduar të bëjë politikë me shkresa pune.

Më tej, në deklaratë thuhet se ?në kohën e qeverisjes së tyre, publiku njihej vetëm me praktika korruptive dhe interesa të paligjshme private që dilnin nga zyrtat e shtetit dhe përfundonin tek adresa e familjarëve të Kryeministrit?.

Gjithashtu, Ministria e Punëve të Brendshme, duke shprehur angazhim të palëkundur në shërbim të qytetarëve, i kujton opinionit publik se sot punohet për qytetarët dhe policia përmirësohet në vazhdim, ndërsa ?ata? gjatë qeverisjes së tyre punonin vetëm për vete.

?Ky është dallim shumë i madh, të cilin qytetarët e kanë kuptuar, qoftë dhe nga letrat që tundi sot SHQUP-i në konferencë për shtyp?, përfundon deklarata e Ministrisë së drejtuar nga Saimir Tahiri.





Lajmet e fundit nga