Bushati: Në Shqipëri ka njerëz të stërvitur për veprime terroriste

2 Shtator 2014, 11:47, Politikë CNA

?Në disa zona të caktuara të Shqipërisë ka njerëz që janë ushtruar dhe stërvitur për veprime terroriste dhe për të ashtuquajturën lufta për xhihad në Siri?, u shpreh ministri i Jashtëm Ditmir Bushati gjatë një konference të përbashkët për mediat me homologun e tij kanadaz John Baird.

Bushati theksoi se një fenomen i tillë, sikurse dhe në Kosovë ekziston dhe në Shqipëri, ku ndër faktorët nxitës që i shtyn njerëz të caktuar të shkojnë në Siri është dhe ai që lidhet me ekonominë.

?Shqipëria nuk e ka mohuar, pasi në zona të caktuar ka njerëz që janë ushtruar për veprime terroriste, por kjo nuk lidhet me harmoninë fetare, pasi kjo është një nga vlerat e çmuara që kemi. Ndaj dhe vizita e Papës mbështetet dhe tek kjo vlerë.

Shqipëria po punon me autoritetet për ta izoluar këtë fenomen dhe është e rëndësishme që kjo luftë të shoqërohet së bashku me faktorët ekonomik e social. Është një fenomen që nuk paprekur vetëm Shqipërinë.

Por ka një dallim se terreni social në Ballkan dhe Shqipëri e ndihmon më shumë terreni social, ndaj mendojmë se çështja e instrumenteve ekonomik dhe shoqëror është themelor?, theksoi Bushati.

Ministri i Jashtëm kanadez, i pari që viziton Shqipërinë, John Baird, duke u ndalur tek çështja e vizave, theksoi se ka pasur disa raste që lidhen me azilkërkuesit, por që kanë qenë raste të parregullta.

?Jemi të kënaqur me zhvillimet në Shqipëri sa i takon integrimit të saj në rrugën evropian?, tha Baird.

Më tej Ministri Bushati bëri me dije se në samitin e Wellsit, i cili do të mbahet pas dy ditësh do të diskutohen çështje që lidhen me bashkëpunimin me NATO si anëtare e saj, madje dhe mbi arkitekturën e sigurisë në vend dhe rajon.

?Kemi marrëdhënie të përforcuara me Kanadanë, pasi ajo është një vend strategjik për investime në Shqipëri por dhe në rajon. Patëm kënaqësi të bisedonim me mikun për disa zhvillime interesante, siç ishte ai Samiti i Wellsit, ku do të diskutohen disa çështje që do ti përgjigjet NATO mënyrës sa i takon arkitekturës së sigurisë.

Patëm ashtu mundësi të evidentonim ecurinë ku do të intensifikohet bashkëpunimi, gjithashtu diskutuam për operacione të ndryshme ku Shqipëria dhe Kanadaja operojnë sëbashku.

Jam shpresëplotë se kjo vizitë do plotësohet nga kontakte të tjera dhe nga një marrëdhënie me e plotësuar nga dy vendet dhe nga një prezencë më e madhe e Kanadasë në projektet integruese por dhe në investimet në vendin tonë dhe në rajon?, tha Bushati.

Duke u ndalur tek revanshi i Rusisë dhe ndërhyrjet e saj ushtarake në Ukrainë ministri i Jashtëm kanadez John Baird theksoi se ?Kanadaja e ka treguar qartë qëndrimin e saj, ku një person në Kremlin të rihartojë pozicionin e vendeve, dhe janë këto provokimet e Presidentit Putin shumë shqetësuese, të cilat do të diskutohen në samitin që do mbahet pas dy ditësh. Ne si shtet vlerësojmë shumë partneritetin mes Shqipërisë dhe Kanadasë në këtë çështje?.

Ndërsa ministri Bushati dha disa detaje në lidhje me misionet e forcave ushtarake në Irak, duke theksuar se gjithçka është bërë duke u sinkronizuar me kapacitetet që ka vendi ynë, por dhe të aleatëve.

?Vendimi i Shqipërisë për të qenë pjesë e vendeve kontributore në Irak është vendim i mirëmenduar dhe sinkronizuar jo vetëm për kapacitetet që ka vendi ynë, por dhe në sinkronizim të plotë me aleatët?, tha Bushati.