PS: Basha shaktëroi Tiranën dhe opozitën

4 Shtator 2014, 06:38, Politikë CNA

Partia Socialiste ka hedhur poshtë akuzat e kryebashkiakut Lulzim Basha, se kryeministri Edi Rama ka bllokuar buxhetin e Bashkisë së Tiranës dhe projektet për kryeqytetin. Të majtët akuzojnë Bashën se si kryebashkiak, në këto tre vite, nuk ka realizuar asnjë nga premtimet e tij për qytetarët e Tiranës, madje me projektin për bulevardin është duke konsumuar një aferë.

Partia Socialiste, nëpërmjet deputetes socialiste, Blerina Gjylameti, deklaroi se Basha nuk ka ndërmend të ndërtojë Bulevardin e Tiranës, por është duke bërë pazar, pasi ka nxjerrë në shitje për skrap shinat e trenit. ?Do të ndërtonte bulevardin e ri. Vetëm sa shkatërroi stacionin e trenit dhe lejoi vjedhjen e hekurudhës për skrap?, u shpreh Gjylameti, teksa ka renditur mashtrimet e Bashës. Ndërkaq, deputetja socialiste përgënjeshtroi lajmin se Rama ka bllokuar buxhetin e Bashkisë e Tiranës. ?Buxheti i Bashkisë jo vetëm që nuk është bllokuar por në ndryshim nga e shkuara, mazhoranca në këshill, dhe pse kundërshtare e kryetarit të Bashkisë, dha votën unanimisht për miratimin e buxhetit, duke vendosur në nivel të parë nevojat e qytetarëve të Tiranës. Por qartazi nevoja e qytetarëve nuk është shqetësimi i Lulzim Bashës, i cili pasi u lëshua babëzisht për të dhëne ku të mundte leje ndërtimi para se qytetarët ta nxjerrin nga zyra me votë, tani po mundohet të justifikojë dështimet e tij me alibinë se i është bllokuar buxheti?, u shpreh Gjylameti.

Sipas deputetes së majtë, Blerina Gjylameti, Basha nuk ka realizuar asnjë premtim edhe gjatë vitit 2011 kur kryeministër ishte Sali Berisha. Gjylameti deklaroi se Basha mashtroi kur tha se do të hapte 30 mijë vende të reja pune, do të ulte taksat për biznesin e vogël. ?Do hapte mbi 30 mijë vende të reja pune. I vetmi vend pune që ka hapur ka qenë vendi i tij si kryetar i PD. Po dhe për këtë ka mbyllur vendin e punës së kryetarit të bashkisë. Do të ulte taksat nga 2 deri në 5 herë. Taksat u ulen vetëm kur qeveria socialiste mbajti zotimin e saj se 97 për qind e shqiptareve do të paguanin më pak, sepse deri atëherë Basha vetëm i ngriti ato për biznesin e vogël?, deklaroi Gjylameti. Gjithashtu, ajo i vuri në dukje Bashës se mashtroi kur tha se do të ndërtonte linjën e tramvajit dhe Unazën e Madhe të Tiranës. ?Do të ndërtonte linjën e tramvajit. Ndërtoi vetëm linjën e lejeve me abuzive të ndërtimit në historinë e Shqipërisë. Do të ndërtonte unazën e madhe të Tiranës dhe hapte parkingje nëntokësore. Ka ndërtuar vetëm unazën e izolimit politik të PD dhe e ka parkuar të SHQUP-i opozitën e ikur nga Parlamenti. Do ndërtonte një park tjetër të madh për Tiranën. Po shkatërron parkun e kompleksit sportiv Dinamo ku do të ndërtoje një mur të gjatë 20-katësh tek diga e liqenit. Lulzim Basha është vazhdimi i degradimit të PD në rrugën e rrënimit të Saliut?, u shpreh deputetja socialiste.