web counter
LEXO PA REKLAMA!

SHKARKO APP

App Store
Google Play

E fundit!

x

Bode: PD-ja nuk ka munguar asnjëherë në zgjedhje

4 Shtator 2014, 07:24, Politikë CNA

Deputeti i Partisë Demokratike Ridvan Bode ka hedhur poshtë zërat për një bojkot të zgjedhjeve vendore nga ana e PD-së.

?PD-ja nuk ka munguar asnjëherë në zgjedhje. Partitë funksionojnë vetëm përmes proceseve elektorale dhe nuk mendoj që Partia Demokratike do të bojkotojë zgjedhjet lokale. Nga kryetari është thënë se me këtë hartë elektorale ne nuk do të lejojmë zhvillimin e zgjedhjeve lokale, kjo do të thotë që PD-ja do të përdorë të gjitha hapësirat ligjore për të kërkuar që për ndarjen territoriale të ketë një logjikë më adekuate dhe të jetë më e përshtatur dhe të përputhet më shumë me interesat e qytetarëve?, është shprehur Bode.

I ftuar në ?Revistën Televizive të Mbrëmjes? në TCH, deputetit Bode e ka cilësur si shumë të rëndë vjedhjen në Bankën e Shqipërisë,por si pas tij më e rëndë është tentativa që mazhoranca po bën për të marr nën kontroll këtë institucion të pavarur.

?Ky është një incident tepër i rëndë, por po ashtu jam i bindur se mënyra se si po drejtohet nga ana e mazhorancës është po aq i dëmshëm po aq sa edhe incidenti që ka ndodhur në BSH. E gjithë çështja është për të ruajtur kredibilitetin e këtij institucioni. Trajtimi duhet të bëhet me një shkallë të lartë përgjegjshmërie dhe të mos përdoret incidenti për të vendosur në kontroll politik Bankën e Shqipërisë. Kredibiliteti i institucionit do të jetë dhjetë herë më i dëmtuar në rast se do të shpejtohet për të bërë ndryshime ligjore që do të synojnë kontrollin politik nga ana e mazhorancës aktuale. Të gjithë e duan kredibilitetin e Bankës së Shqipërisë. Kemi një nismë ligjore nga mazhoranca, por është lëkundur shumë besimi i opinionit të gjerë?, thotë Bode.

Për sa i përket vendimit për të mos qenë pjesë e Parlamentit nga ana e opozitës Bode shprehet se, ?Mendimi im është që deputetët e PD-së duhet të jenë në Parlament, por duhet të ketë një garanci?.





Lajmet e fundit nga