E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Basha takim me Andreas Schockenhoff, Nënkryetar i Grupit Parlamentar CDU/CSU, i Parlamentit Gjerman

4 Shtator 2014, 20:16, Politikë CNA

Schockenhoff: Nuk duhet të përdoret dhunë për të penguar deputetët të shprehin mendimin e tyre, duhet të respektohet pavarësia e institucioneve.

Deklarata për mediat e Andreas Schockenhoff, Nënkryetar i Grupit Parlamentar CDU/CSU, i Parlamentit Gjerman dhe Kryetarit të Partisë Demokratike, Lulzim Basha

Schockenhoff: Unë kam ardhur këtu për të folur me përfaqësuesit e Partisë Demokratike dhe me udhëheqësin e Partisë Demokratike që është zgjedhur tani. Për të thelluar bashkëpunimin siç e kemi pasur më parë me Partinë Demokratike edhe në vitet e shkuara kur ajo ka punuar në qeveri. Pra këtë bashkëpunim, të mund ta vazhdojmë në të ardhmen për vitet në vazhdim. Statusi kandidat për Shqipërinë është një përparim shumë i madh, është një sukses që ka arritur Shqipëria. Sigurisht që është një vazhdim i punës gati 10 vjeçare që është kryer nga pala shqiptare.

Ne kemi diskutuar bashkarisht edhe për një strategji të Partisë Demokratike për të ecur hap pas hapi në rrugën për të arritur objektivat për integrimin në Bashkimin Europian të Shqipërisë. Ne do të vazhdojmë të punojmë në të ardhmen bashkarisht, qoftë në aspektin e partive midis Partisë Demokratike të Shqipërisë dhe CDU në Gjermani, po ashtu edhe në aspektin e grupeve parlamentare, fraksionit në Parlamentin Gjerman të CDU-së sikundër siç është edhe grupi parlamentar i Partisë Demokratike.

Sigurisht që marrja e statusit do të thotë që duhet vazhduar lufta për modernizimin e vendit. Duhet punuar vazhdimisht për të arritur objektivat deri në hapjen e negociatave dhe arritjen e objektivit final, e kam fjalën këtu për luftën për shtetin e së drejtës, luftën kundër korrupsionit, luftën kundër krimit, etj. Unë do të thoja se afrimi drejt Bashkimit Europian nuk është një çështje e vetëm një partie të vetme, por është një çështje e gjithë shqiptarëve që duhet të punojnë bashkarisht për këto dhe për të mirën e vendit të tyre. Për këtë është krejt e qartë dhe e dosmosdoshme që krejt demokratët, kur bëhet fjalë për një debat politik, të respektohen rregullat e lojës dhe të punojnë të gjithë bashkë për qëllimin e përbashkët.

Me këtë dua të them që të gjithë institucionet e pavarura duhet të punojnë, të jenë të pavarura dhe ato të respektohen nga të tjerët. Sigurisht që Kushtetuta rregullon të gjithë veprimet, bashkëpunimin se si duhet të punohet, dhe me këtë e kam fjalën që kur Gjykata Kushtetuese merr vendime nuk ka më vend për debat dhe për diskutime politike, ato duhen respektuar dhe duhen zbatuar. Sigurisht që në debatin parlamentar ekzistojnë rregulla që të gjithë të respektohen, liritë e të shprehurit të mendimit, të gjithë duhet të punojnë bashkë, dhe jo ata të pengohen me dhunë për të shprehur mendimin e tyre. Kjo duhet të reflektohet edhe më tej.

Njerëzit, duke dëgjuar partitë e ndryshme politike, duhet të krijojnë një përfytyrim të tyre në lidhje me programet që kanë partitë dhe kjo pastaj ti ndihmojë ata për të zgjehdur alternativat më të mira. Politika dhe jeta parlamentare nuk janë një qëllim në vetvete, ato i shërbejnë qëllimit të madh final që ka vendi për të punuar të gjithë në të njëjtën kohë, t?u japin mundësi edhe qytetarëve për të përzgjedhur mes modeleve, në fund të fundit për qëllimin final për modernizimin e e vendit të tyre.

Z . Basha dhe udhëheqja e re e Partisë Demokratike kanë shprehur një përgjegjësi të lartë të punojnë për vendin, që vendi të mos mbetet në vend, por të ecë më para në objektivat e caktuara. Ne, Kristiandemokratët Gjermanë e shohim të rëndësishme vendin e Shqipërisë në Bashkimin Europian, prandaj dhe ne bashkëpunojmë ngushtë me partitë motër, Partinë Demokratike të Shqipërisë, në mënyrë që këto objektiva të realizohen sa më shpejt. Ne kemi biseduar për këtë në Qershor në Berlin dhe jam i gëzuar që jam sot këtu në partitë tona simotra por në grupet parlamentare ne do të ngrejmë grupet e punës në mënyrë që këtë bashkëpunim ta vazhdojmë më tej dhe me projekte konkrete.

Unë e kam ftuar z Basha, si Kryetar i Partisë Demokratike të Shqipërisë, që të marrë pjesë në konkresin tonë të partisë CDU që do të zhvillohet në Keln në Dhjetor, dhe me këtë ftesë ne duam të konfirmojmë edhe njëherë bashkëpunimin dhe mbështetjen që i japim Partisë Demokratike dhe bashkëpunimit tonë.

Basha: Dua të konfirmoj se e kam pranuar me kënaqësi të madhe ftesën e partisë simotër të Kancelares Merkel për të qënë i pranishëm në këtë kongres, sikundër Partia Demokratike dhe unë jemi të vendosur që këtë oportunitet të jashtëzakonshëm të bashkëpunimit me grupe pune mes partisë simotër të kristiandemokratëve gjermadhe dhe Partisë Demokratike, ta shndërrojmë në një të mirë jo vetëm për PD-në, jo vetëm për demokratët por për të gjithë shqiptarët.