web counter
LEXO PA REKLAMA!

SHKARKO APP

App Store
Google Play

E fundit!

x

Edi Rama takim me homologun kinez Li Keqiang

10 Shtator 2014, 07:17, Politikë CNA

Kryeministri kinez Li Keqiang u takua të mërkurën paradite me homologun e tij shqiptar Edi Rama, që ndodhet për të marrë pjesë në Forumin Veror të Davosit në Tianjin të Kinës Veriore.

Li Keqiang u shpreh në takim se Kina i kushton vëmendje të madhe miqësisë tradicionale me Shqipërinë. Me rastin e 65-vjetorit të vendosjes së marrëdhënieve diplomatike mes dy vendeve, pala kineze dëshiron të punojë bashkë me palën shqiptare për të forcuar shkëmbimet e nivelit të lartë dhe për të nxitur bashkëpunimin konkret në fusha të ndryshme.

Kreu i qeverisë kineze theksoi gjithashtu se Kina dhe Shqipëria kanë perspektiva të gjera bashkëpunimi në fushën e energjetikës, të industrisë minerare, bujqësisë, infrastrukturës etj. Kina është e gatshme të importojë më shumë produkte cilësore bujqësore dhe minerare nga Shqipëria dhe përkrah pjesëmarrjen e kompanive kineze në ndërtimin e infrastrukturës shqiptare, veçanërisht në ndërtimin e autostradës që lidh Shqipërinë dhe Maqedoninë, për të arritur sukses në realizimin e projekteve të mëdha mes dy vendeve.

Kryeministri shqiptar Edi Rama u shpreh nga ana e tij se marrëdhëniet mes dy vendeve kanë pasur një zhvillim pozitiv dhe projektet përkatëse të bashkëpunimit janë realizuar në mënyrë të qëndrueshme. Ai tha se Shqipëria dëshiron të thellojë miqësinë tradicionale me Kinën dhe të zgjerojë bashkëpunimin me përfitime të ndërsjella. Qeveria shqiptare i mirëprit kompanitë kineze të investojnë në Shqipëri dhe do t’u ofrojë atyre lehtësi. Rama vuri në dukje po ashtu se bashkëpunimi i Kinës me vendet e Europës Qendrore e Lindore ka arritur rezultate pozitive dhe kërkoi forcimin e këtij bashkëpunimi, në të mirë të nxitjes së paqes e zhvillimit në këtë rajon. /http://albanian.cri.cn/





17:16 Politikë

Takim Nishani-Basha

Kryetari i Partisë Demokratike, z. Lulzim Basha u takua sot ...

Lajmet e fundit nga